Өмнөд Солонгосын Сүкмюний эмэгтэйчүүдийн их сургууль улсынхаа тэргүүн хатагтайн эрдмийн ажилд “оюуны хулгай” (плагиаризм) орсон эсэхийг шалгах ажлыг өнгөрсөн сарын дундуур эхлүүлснийг өчигдөр эх сурвалж мэдээлжээ.
Одоогийн тэргүүн хатагтай Ким Кён Хэ 1999 онд тус сургуульд урлагийн боловсролын чиглэлээр мастерын зэрэг хамгаалсан юм байна.
Түүнийг судалгааны ажилдаа бусдын бүтээлээс хулгайлсан байж болзошгүй тухай яриа Өмнөд Солонгосын шинэ ерөнхийлөгч сонгогдсон цагаас хойш яригдаж байгаа.
Сүкмюний их сургуулийн захиргаа шалгалтыг арванхоёрдугаар сарын дундуур эхлүүлснийг тус сургуулийн төгсөгчдийн холбооноос өчигдөр мэдээлжээ.
Ийм шалгалтын дүгнэлтийг 90 хоногийн дотор гаргах журамтай байдаг тул энэ оны гуравдугаар сарын дундаас хэтрэхгүй үр дүн нь гарахыг бас мэдээлсэн байна.
Эх сурвалж: Yonhap News