Сүүлийн өдрүүдэд Сибирийн бүс нутагт түүхэнд тэмдэглэгдэх халуун өдрүүд үргэлжилж буйг цаг уурын байгууллагууд мэдээлжээ.

Тухайлбал Сибирийн баруун хэсгийн арав гаруй цэгт түүхэнд ажиглагдаагүй их агаарын халалт бүртгэгдсэн байна.

Өнгөрсөн Бямба гарагт ОХУ-ын Тюмень мужийн Ялуторовск хотод агаарын температур Цельсийн 37.9 хэм хүрсэн нь хамгийн дээд халалт болжээ.

Дараа нь Лхагва гарагт ОХУ-ын Алтайн хязгаарын Баево хотод 39.6 хэм, Барнаул хотод 38.5 хэм хүрсэн нь урьд өмнө ажиглагдаагүй их халалт болсон байна.

Yet another brutally hot day in Asia with 47C in China and 39C in Siberia where more records fell:

all time

38.0 Zdvinsk
35.6 Tomsk tie

monthly

38.2 Kupino
36.7 Kolyvan
36.3 Ermakovskoe
35.3 Tastyp

In India Highlands

29.9C Cherrapunji new monthly record pic.twitter.com/f2fY77AH6z

— Extreme Temperatures Around The World (@extremetemps) June 8, 2023

“Сибирь бол манай гарагийн хамгийн хурдтай дулаарч буй бүс нутгийн нэг” гэж Дэлхийн Цаг Уурын Байгууллагын уур амьсгалын хяналт, бодлогын албаны захирал Омар Баддур ярьжээ.

Тус бүс нутагт сүүлийн жилүүдэд маш хүчтэй халуун агаарын урсгал ойр ойрхон ажиглагддаг болсныг Европын Холбооны Коперникийн Уур Амьсгалын Өөрчлөлтийн албаны дэд захирал Саманта Бургесс баталж байна.

Хүлэмжийн хийн ялгаруулалтыг хурдан хугацаанд бууруулахгүй бол цаашдаа ийм үзэгдлийн давтамж улам нэмэгдэхийг тэр анхааруулжээ.

Энэ долоо хоногт Сибириэс гадна дэлхийн бусад бүс нутгуудад ч ер бусын халуун өдрүүд үргэлжилж байна. Лхагва гарагт Хятад улсын нутаг дэвсгэрт Цельсийн 45 хэм давсан халалт хэд хэдэн цэгт бүртгэгдсэн бол Узбекистанд 43 хэм, Казахстанд 41 хэм хүрч халжээ.

Туркменистан улсад дөрөвдүгээр сарын эхээр Цельсийн 42 хэм хүрсэн нь дэлхийн бөмбөрцгийн энэ өргөрөг дэх түүхэн дээд халалт болж бүртгэгдсэнийг мэргэжилтнүүд мэдээлсэн байна.

Тэр үеэс хойш тус улсад агаарын халалт төдийлөн бууралгүй үргэлжилсээр байгаа ажээ.

Эх сурвалж: CNN