Украины Агаарын цэргийн хүчний холбооны газрын дарга Юрий Игнат Оросын “Искандер”, “Кинжал” пуужингуудыг устгахад улам хэцүү болж байна гэж мэдэгджээ. Түүний хэлсэн үгийг Strana.ua сайт эш татан мэдээлсэн байна.
"Бидэнд Патриот пуужингийн систем бий болсны дараа тэд сайн үр дүн үзүүлж Кинжал, Искандер пуужингуудыг амжилттай устгаж байсан. Гэвч оросууд эдгээр баллистик пуужингуудыг шинэчилсэн учраас одоо тэднийг устгахад улам хэцүү болж байна" гэж Игнат хэлжээ.
Тэрбээр Америкийн “Пэтриот” зенитийн пуужингийн систем Оросын пуужингийн эсрэг хамгийн үр дүнтэй байдаг бол Норвегийн NASAMS, Германы IRIS-T агаарын довтолгооноос хамгаалах систем “Кинжал”, “Искандер” пуужинтай тэмцэж чадахгүй гэдгийг онцолсон байна.
Гуравдугаар сарын 11-нд Юрий Игнат Украины Агаарын цэргийн хүчинд шилжүүлсэн барууны F-16 сөнөөгч онгоцууд Оросын Су-35 сөнөөгч онгоцнуудаас хүчин чадлаар доогуур байсан гэж мэдэгджээ.
Түүний хэлснээр, Киев гадаад түншүүдээсээ орчин үеийн нисэх онгоц хүлээж аваагүй бөгөөд оросын орчин үеийн Су-35 онгоцыг ганцаарчлан зогсоож чадахгүй гэнэ.
Тиймээс тэрбээр өнөөгийн нөхцөл байдалд Украины Зэвсэгт хүчинд газар дээр суурилсан агаарын довтолгооноос хамгаалах систем болон электрон байлдааны системийн цогц арга хэмжээ шаардлагатай гэж мэдэгджээ.
Эх сурвалж: gazeta.ru
Ж.Бат
