ХЭРЭГЛЭГЧ, ХАРИЛЦАГЧДЫН АНХААРАЛД Дэлхийн банкны санхүүжилтээр Эрчим хүчний яам-Улаанбаатар дулаан хангамжийн үр ашгийг нэмэгдүүлэх төслийн хүрээнд хэрэгжиж буй ХУД-ийн 18-р хороо, “Удирдлагын академи”, “Оргил рашаан сувилал”, “Хүннү-2222 хороолол”, “Жапан Таун” орчмын хэрэглэгчдийг төвлөрсөн дулаанаар ханган ажилладаг 1А магистраль дулааны шугамыг шинэчлэн солих барилга угсралтын ажлын явцын мэдээ: Барилга угсралтын ажлын хэрэгжих хугацаа: 2025 оны 06 сарын13-ны өдрөөс 2025 оны 08 сарын 10 Тохижилт нөхөн сэргээлт хийж дуусах хугацаа: 2025 оны 06 сарын 30-ний өдрөөс 2025 оны 9 сарын 01-ний өдөр хүртэл /Барилга угсралтын ажлын нөлөөлөлд өртсөн хэсгийн тохижилтын ажлыг барилга угсралтын ажлын гүйцэтгэлтэй уялдуулан тухай бүр хийж гүйцэтгэнэ/ Мэдээллийн хамрах хугацаа: 2025 оны 06 сарын 13-ны өдрөөс 2025 оны 08 сарын 10-ны өдөр хүртэл Тус шинээр суурилуулах шугамын барилга угсралтын ажлыг үндсэн хоёр хэсэгт хуваан гүйцэтгэх ба хуваарийн дагуу нэгдүгээр хэсгийн ажлыг 2025.06.16-ны өдрөөс хэсэгчлэн хааж “Жапан Таун” хотхоны С1 блокоос зүүн тийш “Хүннү-2222 хороолол”-руу урагш эргэх цэг хүртэл 2Ф400мм голчтой 310 метр дулааны шугамын ажил, дулааны худаг цутгах, суваг суурилуулах, шугам хоолойн угсралтын ажлууд хийгдэнэ. Нэгдүгээр хэсгийн барилга угсралтын ажлыг 2025 оны 07 сарын 10-ний өдрөөс өмнө дуусгаж тохижилтын ажлыг хийхээр төлөвлөн ажиллаж байна. Захиалагч: Эрчим хүчний яам, Улаанбаатар хотын дулаан хангамжийн үр ашгийг нэмэгдүүлэх төсөл Ашиглагч: “УЛААНБААТАР ДУЛААНЫ СҮЛЖЭЭ” ТӨХК Гүйцэтгэгч: “ХАНГИЛЦАГ” ХХК Санал хүсэлт байвал “Хангилцаг” ХХК-ийн 94045099 утсаар холбогдоно уу. УЛААНБААТАР ХОТЫН ДУЛААН ХАНГАМЖИЙН ҮР АШГИЙГ НЭМЭГДҮҮЛЭХ ТӨСӨЛ