ХАС-ын гэх тодотголтой Ч.Ганхуяг олон түмэнд харагддаг шигээ шударга нэгэн биш бололтой. Тэрээр МҮХАҮТ-ын ерөнхийлөгчийн сонгуульд өрсөлдөж байгаа билээ. Гэвч энэ албан тушаалд очсон хойноо шударга ажиллана гэж түүнд итгэхэд хэцүү. Уг нь тэр анх гарахдаа нэлээд сүйхээтэй залуу, ажилсаг хүн гэсэн имиж бүрдүүлэн олны танил болсон. Харамсалтай нь тэрээр овоглосон банкаа өөрийн гэж андуурч байж эздийнхээ дургүйг хүргэн албан тушаалаа өгсөн гэгддэг. Түүнээс өмнө банкныхаа арван жилийн ойгоор метрополис бааранд хүүхнээс болж зодоон өдүүлж байсан талаар өдгөөгөөс 11 жилийн өмнө “Монголын нэг өдөр” сонинд гарч байлаа. Талхны үнэ мэддэггүй гэх олон нийтийн шүүмжлэлийг би “ТАЛХ СУДЛААЧ” биш хэмээн хэдэрлэн таглаж, олны хайр хүндэтгэлийг хүлээсэн их аваргатай санал зөрөлдөх үедээ “Лалар” хэмээн гудамжны хараал амнаасаа унагаж чаддагаа гайхуулж байсан экс банкир буюу өнөөгийн биткойнч, даатгалын компанийн эзэнд ухвал асуудал их. Ц.Тогтохбаяр гэх нас тогтсон эмэгтэйгээс “Ард даатгал” компанийг залилан авсан ба өнөөх эмэгтэй нь өдөр бүхэн шахуу хаалгыг нь сахидаd байсан тухай яриа ч гадуур мэр сэd1 сонсогддог. Түүгээр зогсохгүй ТВ9 телевизийн хажуу талын барилгыг эзэн болох Н.Эрдэнэтогтохоос залилан авахаар улам бүр улайрч байгаа талаар үнэн худал нь үл мэдэгдэх асуудал ч бий.
Жил бүрийн хавар төрийн ордонд зохиогддог “Монголын эдийн засгийн форумын” талаар нь Б.Лакшми гэх эмэгтэй түүнийг цагдаад өгөх тухай саяхан мэдээлэл гарсан. Хуулийн байгууллага энэ хүнтэй холбоотой олон асуудлыг шийдэж нэрийг нь цэвэрлэх эсвэл хариуцлага үүрүүлэх эсэх нь тодорхойлогдоно биз. МҮХАҮ-ын танхимын ерөнхийлөгчийн суудлаас С.Дэмбэрэл гэдэг хүн их хуралд заларч заларсан хойноо хоцордгоороо гайхуулж байлаа. Ер нь энэ худалдаа аж үйлдвэрийн танхимын ерөнхийлөгч ямар эрх мэдэлтэй, ямар ашиг сонирхолтой зүйл болоод үүнд ингэтлээ их мөнгө зарцуулж байна вэ. Шударга бусаар танхимын ерөнхийлөгч болсон хүн шударга бизнес эрхлэгчдэд яаж хандах бол. Түүнд бизнес эрхлэгчдийн эрх ашиг чухал байж чадна гэж итгэх боломжтой гэж үү?
Э.Энхрийлэн
Эх сурвалж: Medeel.mn
