Төрийн мөнгө, төсвийн мөнгө, татвар төлөгчдийн мөнгө…
Төрийн байгууллагынхан, төрийн албан хаагчид төсвийн мөнгийг хэрхэн үргүй зарцуулдаг талаар хэвлэлийнхэн өдөр бүр шахуу мэдээлдэг ч төдийлөн үр дүнд хүрдэггүй. Татвар төлөгчдийн мөнгөөр байгууллага, албан тушаалтнууд тансагласан хэвээр…
Хуульзүйн яамыг “мэргэшсэн” сайд болох Ц.Нямдорж толгойлдог. УИХ-д долоон удаа тасралтгүй сонгогдож, УИХ-ын дарга хүртэл хийж явсан Ц.Нямдорж Хуульзүйн сайдаар өдгөө дөрөвдэх удаагаа сонгогдон ажиллаж буй.
Тэгвэл Хуульзүйн сайд Ц.Нямдорж өнгөрсөн долдугаар сард нэг орой 7 сая төгрөгөөр тансаг зоог барьжээ. Тодруулбал тансаг зэрэглэлийн гэх Шангри-Ла зочид буудалд Үндэсний их баяр наадмын өмнөх өдөр буюу 7 дугаар сарын 10-нд гуч гаруйн хүний хамт оройн зоог барьжээ. Ингэхдээ төсвөөс 7 сая төгрөг гаргуулсан байна.
Эх сурвалж: http://tvmongolia.mn
