Байт харвааны "Токио-2020” олимпийн эрх олгох Ази тивийн сорил тэмцээн Тайланд улсын нийслэл Бангкок хотноо үргэлжилж байна. Манай улсаас эрэгтэй ангилалд Ж.Гантөгс, залуу харваач Б.Отгонболд, Б.Адьяасүрэн, эмэгтэйчүүдийн ангилалд А.Энхтуяа, Б.Урантунгалаг, Н.Ариунбилэг нар өрсөлдөж байна.
Манай залуу харваач Б.Отгонболд Саудын Араб, Тайландын тамирчдыг ялан шөвгийн наймд шалгарсан байна. Улмаар шөвгийн наймд Вьетнамын харваачид 5:6 харьцаагаар ялагджээ.Энэхүү сорилын тэмцээнд нэг улсаас нэг тамирчин эрхээ авах журамтай. Тэгвэл хагас шигшээд Ираны хоёр, Вьетнамын хоёр харваач шалгараад байгаа тул манай Б.Отгонболд ийнхүү дээшээ огшин , Олимпийн эрх хүртэх гурван тамирчны нэг болох нь тодорхой болжээ. Ийнхүү манай харваачид токиогийн олимпод оролцох эрхээ авч чадлаа. баяр хүргэе.
Шуурхай.мн
