Үндэсний эрх чөлөө, тусгаар тогтнолоо сэргээн мандуулсны 108 жилийн ойгоор Монгол Улсын Ерөнхийлөгч Х.Баттулгаас зарлиг сонордож Монгол Улсын Хүний гавьяат эмч цол хүртсэн, Хавдар судлалын Үндэсний төвийн захирал, манай улсын шилдэг залуу эмч Ж.Чинбүрэн Хавдар судлалын үндэсний төвийн захирлын ажлаа оны өмнөхөн өгчээ.
Монгол Улсын хавдрын өвчлөл, нас баралтаараа дэлхийд тэргүүлж байгаа энэ хэцүү үед Монгол Улсад нэвтрүүлсэн элэгний болон нойр булчирхайн мэс засал, Монголд эмчлүүлэх боломжгүй өвчний жагсаалтыг бууруулж, хавдрын өвчлөл, шалтгаан нөхцөлтэй тэмцэж байгаа дэлхийд хүлээн зөвшөөрөгдсөн Э.Чинбүрэн эмчийн ажлаа өгсөн шалтгаан нь УИХ-ын сонгуульд хүч үзэхээр болсон тухай эх сурвалжууд мэдээлж байна.
Дөнгөж саяхан “Нүдээ олсон шагнал”-ын эзэн хэмээгдэж байсан түүний хувьд хүн ардынхаа эрүүл энхийн манаанд зогсох бус УЛСТӨР хэмээх хар мангааг сонгож буй нь харамсалтай. Гэхдээ тэрбээр УЛСТӨР дэх хавдарыг суга татахаар шийдсэн бол түүний шийдвэрийг хүндэтгэн үзэх нь зүйн хэрэг. Их хуралд сонгогдож чадвал тэрбээр эрүүл мэндийн салбарт олон хууль санаачилж, төрийн их албанд тууштай зүтгэх биз ээ.
Шуурхай.мн
