Зам тээвэр хөгжлийн яамны Зам ашиглалтын газрын дарга Х.Оргил-Эрдэнэ албан өрөөндөө /2019.12.30/ Улаанбаатар-Дархан чиглэлийн авто замыг барьж байгаа БНХАУ-ын компанийн хятад иргэдээс 20 мянган юанийн иавилга авч байгаад, үйлдэл дээрээ АТГ-ын албан хаагчдад баригдсан билээ.

АТГ-ын Мөрдөн шалгах хэлтэсээс Зам тээвэр хөгжлийн яамны Зам ашиглалтын газрын дарга Х.Оргил-Эрдэнийг БНХАУ-ын иргэний хамтаар хойшлуулашгүй үйл ажиллагаа явуулан саатуулж, улмаар НПГ-аас түүнийг яллагдагчаар татан, үргэлжлүүлэн хорих саналыг СБД-ийн Эрүүгийн хэргийн анхан шатны шүүхэд 2019.12.31-нд хүргүүлсэн байна.

Гэвч түүний өмгөөлөгч Б.Баатарсайхан тус шүүхийн таслан сэргийлэх арга хэмжээ хариуцсан шүүгчээс татгалзсан байна. Уг заалтыг үндэслэлтэй эсэхийг тухайн шүүхийн ерөнхий шүүгч шийдэх болтол Х.Оргил-Эрдэнийг хахууль өгсөн хятад иргэнтэй нь хамт сулласан аж. Улмаар өчигдөр /2020.01.02/ уг татгалзлыг үндэслэлгүй гэж үзжээ.

Ингэснээр өнөөдөр СБД-ийн Эрүүгийн хэргийн анхан шатны шүүхээс Зам тээвэр хөгжлийн яамны Зам ашиглалтын газрын дарга Х.Оргил-Эрдэнийг хахууль өгсөн хятад иргэн нарыг үргэлжлүүлэн хорих эсэхийг шийдэх юм байна.

Х.Оргил-Эрдэнийн хувьд 2019.12.31-ний үдээс хойш суллагджээ. Тэрбээр монгол мөнгөөр 80 сая төгрөгийн хахууль авч байгаад АТГ-ын хойшлуулашгүй ажиллагааны хүрээнд саатуулагдсан юм.

ЭХ СУРВАЛЖ: ӨНӨӨДӨР СОНИН