УИХ-ын гишүүн Сү.Батболдын хамаарал бүхий компаниудыг АТГаас шалгаж эхэлжээ. Учир нь хагас жил хүрэхгүй хугацааны дараа Монгол Улсын Ерөнхийлөгчийн сонгууль болох гэж байна. Мэдээж одоогийн Ерөнхийлөгч Х.Баттулгын гол өрсөлдөгч МАН-аас гарна. Тиймээс тус намаас одоогоор яг хэнийг Ерөнхийлөгчийн сонгуульд нэр дэвшүүлэх талаар мэдээлээгүй ч улстөрийн хүрээнийхэн хийгээд нам дотроо Ерөнхий сайд У.Хүрэлсүх, Ерөнхий сайд асан Сү.Батболд хоёрын хэн нэгнийг нэр дэвших болно хэмээж буй. Хэдийгээр У.Хүрэлсүхэд нэр дэвших туйлын хүсэл байгаа ч тэрбээр Х.Баттулгад өртэй нэгэн. Тодруулбал, У.Хүрэлсүхийг Ерөнхий сайд болоход хамгийн их дэмжлэг үзүүлсэн хүн нь Х.Баттулга. Тиймдээ ч У.Хүрэлсүх МАН-ын дарга болоод зогсохгүй Ерөнхий сайдын ажлаа үргэлжлүүлэн хийж төрийн эрх мэдлийг бүрэн утгаар нь атгах болсон юм.
Тийм учраас мань хүн Ерөнхийлөгчийн сонгуульд нэр дэвшинэ гэж хэлэх нь арай эрт. Харин зарим нөхдөө өгөөшинд шидэж, түүнийг нь Ерөнхийлөгч Х.Баттулга шүүрэн авч, хууль хяналтын байгууллагаар шалгуулах болсон эхний хүн нь Сү.Батболд. Түүний тухайд шалгагдах зүйл маш олонтой хүн.
Тухайлбал,Сү. Батболдыг “Чингис хаан” зочид буудлыг маш хямдаар хувьчилж авсан тухай асуудал одоо ч яригддаг. Мөн түүний олноос нууж хаасан оффшор данс, “И-март” худалдааны төв гээд олон олон бизнесийг нь АТГ болон бусад хууль хяналтынхан нэг нэгээр нь ухаад эхэлснийг баттай эх сурвалж мэдээлж байв. Бид түүнтэй холбоотой дээрх мэдээллийг дараагийн удаа илүү тодорхой мэдээлэх учраас ингээд орхиё
Хэрвээ У.Хүрэлсүх, Сү.Батболдыг Ерөнхийлөгчид нэр дэвшүүлсэн тохиолдолд мань хүн хэзээ ч бусад шигээ ажиллахгүй нь тодорхой. Учир нь Сү.Батболд хэзээ ч улстөрийг олны нүдэн дээр хийдэггүй. Тэрбээр аливаа зүйлийг чимээгүйхэн өөрийгөө ил гаргахгүйгээр хийдэг арга барилтай улстөрч гэдгийг Х.Баттулга тооцоолсон учраас түүнээс түрүүлж нүүдэл хийсэн гэсэн үг.
Хэрвээ уншигчид санаж буй бол Х.Баттулга Ерөнхийлөгчийн сонгуульд нэр дэвшиж байхдаа оффшор данстнуудын мөнгийг Монгол руу оруулна гэж байсан. Тэгвэл ирэх жил болох Ерөнхийлөгчийн сонгуулиас өмнө хэд хэдэн оффшорчны мөнгө орж ирэх болсон тухай мэдээлэл ч байна. Үүний нэг нь Сү.Батболдын “Boroo Mongolia Mining Corporation”, “Mongolia Tolgoi Mines”, “Mongolia Gold Holdings” зэрэг компаниудын оффшор данснуудаас нь маш их хэмжээний мөнгө татах болсон ажээ.
Ямартай ч хэдэн компаниудыг нь хуйгаар нь шалгаж эхэлсэн нь түүний толгойн өвчин болоод байгаа аж.
Үргэлжлэл бий...
Эх сурвалж: erennews.mn