fbpx

Талархал илэрхийлэм “Талархал”


Нийгмийг соён гэгээрүүлэх үүрэг хүлээсэн сэтгүүлзүйн салбар тэр дундаа телевизийн салбар дахь хөрөг нэвтрүүлгийн хөгжил улам бүр чанаржин дэвжсээр байна. “Hero intertaiment- Монгол тулгатны зуун эрхэм”, MNB “Зогсошгүй”, 25tv “Би” зэрэг цуврал болон үргэлжилдэг мэргэжлийн түвшний уран сайхны хөрөг нэвтрүүлэгүүдийн араас "жин дарж" орж ирсэн нэвтрүүлэг бол Монголын үндэсний Малчин телевиз тамгатай "Face" студын бүтээл “Талархал” нэвтрүүлэг юм.

Нэвтрүүлгийн баялаг бол зочид билээ. Арвин их түүх дурсамжийн эздийг олж сонгон урьдаг эл нэвтрүүлгийн багийнхан дүрсний урлагт өөрсдийн шинэ өнгө төрхөө өнөөдөр ч тод тамгаласаар байна. Хамгийн сонирхолтой нь нэвтрүүлгийн хэсэг нэгээс нөгөөд шилжих хоорондын холбоос, зураг дуу дүрс зохиомж тун чамин. Тэрхүү чамин холбоосыг телевизийн хэллэгээр чухам юу гэж нэрлэдгийг дүрсний бус бичгийн салбарын хүний хувьд сайн мэдэхгүй юм.

2019 оны 03 дугаар сард нэвтрүүлгийн анхны мотор дуугарч эхлэснээс хойших энэ богинохон хугацаанд 15 удаагийн бүрэн хэмжээний хөрөг түүхийг зөвхөн эфирт суугаад эвлүүлж биш хөдөө орон нутаг, тэр дундаа монгол орны дурсгалт газруудаар явж зураг авалтаа хийсэн нөр их хөдөлмөрийн дүнд "Талархал" нэвтрүүлэгээ дархлан бичиж үлдээжээ. Мэдээж уран бүтээл цаашид ч үргэлжилнэ.

“Талархал” нэвтрүүлгийн санаачлагч, хөтлөгч бол МУАЖ, дуучин Д.Самбуугийн охин С.Нинжин юм. Энэ эмэгтэйд дуурийн дуучны хоолойн цараанаас гадна телевизийн салбарт тэр дундаа ярих урлагийн салбарт гойд авьяас, басхүү мэдрэмжийг харамгүй заяасан гэлтэй. Хэтэрхий их судласан хүнээсээ асуух асуулт ховордох үе байдаг. Нэвтрүүлгийн зочдоо мэдэрч асуудаг түүний нарийн мэдрэмжтэй асуултуудаас шаггүй хөтлөгч, судлаач гэдгийг харж болно. Авьяас гэдэг удам дагаж үргэлжилдэгийн учир ч энэ биз. Нэгнээсээ үлгэр дуурайлал, сургамж, ухаарлын үг сонсон талархаж суух шиг сайхан зүйл хаана байхав. Уран бүтээлийн арвин түүх, дүрсний урлагийн оргилд хүрэх зоригийн ташуур, сэтгэлийн дэм өргөе.

Гомдол тээж бус, Талархал тээж амьдрая...

Эх сурвалж: shuurhai.mn


Энэ мэдээ таалагдаж байвал: