Хархорин захад үхрийн мах 12500, хонины мах 9000 төгрөгийн үнэтэй байна
2020/11/18
Улсын хэмжээнд өндөржүүлсэн бэлэн байдалд шилжиж, хатуу хөл хорио тогтоогоод байгаа энэ үед ард иргэдэд хүнсний хангамж, тэр дундаа махны нийлүүлэлт, үнийн асуудал хамгийн том асуудал болоод байгаа.
Хөл хорио тогтохтой зэрэгцэн махны үнэ огцом нэмэгдсэн. Хотын захиргаа, Засгийн газрын зүгээс махны үнийг тогтвортой барьж байгаа гэж мэдээлж байгаа ч бодит байдал дээрээ үнэтэй байгааг иргэд хэлсээр байгаа юм.
Тиймээс Хархорин худалдааны төв дээр мах ямар үнэ ханштай байгаа талаар сурвалжиллаа.
Махны бөөний худалдаа өглөө 06:00 цагт Хархорин зах дээр эхэлж байна. Нийлүүлэлтийн хувьд хангалттай олон тооны машинаар үхэр, хонь, адууны махыг оруулж ирж байна.
Үнийн хувьд захын гадна бүхээгтэй машинд худалдаалж байгаа хонины мах кг нь 5500-5800 төгрөгөөр тооцон гулуузаар худалдаалж байна. Нэг гулууз мах 120.000-170.000 төгрөг.
Харин үхрийн мах кг нь 5500-5800 төгрөгийн хооронд худалдаалж байв. Харин жижиглэнгээр эдгээр үнэ дээр 1500-2500 төгрөгийн нэмэгдэлтэй байлаа.
Хонины мах ястай нь кг тутам нь 7500 төгрөг, цул нь 9000 төгрөгийн үнэтэй байна. Үхрийн мах ястай нь 9500 төгрөг бол цул нь 12500 төгрөг гэлээ.
Адууны мах ястай нь 7500, цул 8000 төгрөгөөр худалдаалж байна.
Эх сурвалж: shuurhai.mn Б.ЗАЯА
Энэ мэдээ таалагдаж байвал:
Сэтгэгдэл 1
-
ядарсан хэсэг нь ямар авч дийлэх биш наад захаа хаагаач ард олноо шулахаас өөр юуч хийдэггүй новшнууд нэг бол бодитой үнээр зарна биз үгүй бол өмхийрүүлээд шатна биз нөгөө айхтар хэрэглэгчдийн эрх ашгийг хамгаалдаг хүмүүс хаана нуугдчихваа ажлаа хийгээч ард олон туйлдлаа наад шунал нь дийлдэхгүй ченж махны худалдаа хийгчид чинь зуднаар нохой зоолдог шиг боллоо төр хаана унтаж байна сэрээч
