С.Одонтуяа: 2017 онд авлига, албан тушаалын хэрэгтнүүдийг өөгшүүлсэн заалт оруулсан нь маш том алдаа
2021/01/07
УИХ-ын Пүрэв гаригийн чуулганы нэгдсэн хуралдаан үргэлжилж байна. Монгол Улсын Үндсэн хуулийн цэцийн 2020 оны 12 дүгээр дүгнэлтийг чуулганаар хэлэлцлээ.
Өөрөөр хэлбэл, УИХ-аар 2020 оны 1 дүгээр сард баталсан Эрүүгийн хуульд нэмэлт өөрчлөлт оруулах хуулийн Дагаж мөрдөх журмын тухай хуульд орсон авлига албан тушаалын хэрэгт холбогдон шалгагдаж байгаа болон шийдвэр гарсан хүнийг сэргээн шалгах тогтолцоо нь Үндсэн хуулийг зөрчсөн хэмээн үзэж 12 дугаар дүгнэлт гаргасан байдаг.
Энэ талаар УИХ-ын гишүүн С.Одонтуяа байр сууриа илэрхийлэв. Тэрээр “УИХ 2017 онд алдаа гаргаад түүнийгээ засч байна гээд дахиад хууль гаргахдаа хүний эрх зөрчснийг ҮХЦ тогтоолоо. ҮХЦ-ийг буруутгах ямар шаардлага байна вэ. Хрушёвын үед валют арилжаа хийсэн залууст эхлээд 8 жилийн ял оноосон. Дараа нь ялыг нь хүндрүүлж 15 жилийн ял оноосон байдаг. Дараа нь тэднийг цаазаар авсан. Энэ бол дэлхийн шившиг болсон жишээ. Монгол Улс яг л ийм алдаа хийсэн. Анхнаасаа 2017 онд авлига, албан тушаалын хэрэгтнүүдийг өөгшүүлсэн заалт оруулсан нь маш том алдаа. Маш олон авлигачдыг бий болгосон. 2020 онд Эрүүгийн хуулийн Дагаж мөрдөх журмын тухай хуулиар хүний эрхийг дордуулсан заалтыг оруулж ирж байгаа нь буруу” хэмээв.
Эх сурвалж: shuurhai.mn Г.ОЧИР
Энэ мэдээ таалагдаж байвал:
Сэтгэгдэл 4
-
17онд тэр заалтыг Нямдорж,Нямбаатар 2оруулсан гэдэг билээ.
-
Харийн луйварчид, тусгай албад төрийн албанд гайгүй дээгүүр алба хашиж буй хөнгөн, шуналтай, албан тушаалд дуртай этгээдүүдийг олзлон элсүүлэхийн тулд эхлээд сайхан сайхан юм хэлж, том том төсөл хөтөлбөр гэж хуурна, заримыг нь хилийн чанадад сургаж бэлтгэнэ. Их хэмжээний хахууль, хөрөнгө мөнгө өгнө. Урвагч этгээд эхэн үедээ гар мөнгөтэй чадалтай тансаг, гял цал мундаг тэнхээтэй байна. Улмаар авсан мөнгөний хэмжээгээрээ хүний гарт орж хүзүүвчлүүлж эзэнд хөтлөгдөнө. Нэгэнтээ бууны, уяаны нохой, боол болгож уяад авчихбал эзэн юу дуртайгаа хийлгэнэ. Хийлгэхийн тулд боолоо төрийн өндөр албан тушаалд гаргах ёстой. Гайгүй хувцаслаж, хэдэн үг цээжлүүлж олны өмнө үг хэлүүлж, хэлд оруулна. Төрийн өндөр алба уруу мөнгө гэдэг түлхүүр бариулаад зүтгүүлнэ. Мөнгөн түлхүүрт ядуу орны хувьд онгойхгүй хаалга гэж бараг үгүй. Эх орон ард түмнээс нь урвуулж ард түмнийх нь эсрэг үйлдлүүд хийлгэж, зөвхөн өөрсдийн эрх ашгийн төлөө зүтгэдэг боол болгоно. Эзэн яваандаа угаадсаа багасган, уяагаа улам чангалж, алтан загасны эмгэн мэт бүр ихийг шахаж шаардах болно. Үгэнд нь орохгүй бол өмнө нь архидсан, хүүхэндсэн бичлэгийг ил болгохоос эхлээд хийсэн гэмт хэрэг, хахуульд авсан байр, мөнгө хөрөнгө, данс зэргийг нь ил болгож барьж өгдөг технологитой. Энэ бол бүхий л урвагчид харийнхны гар орсон урвагчдын өрөвдөлтэй хувь заяа! Нэг шөнө тайван хонохгүй амьдын там. Олон түмнээс айна, дөлнө. Энэ мэт залийг бүхий л улс олон зуун жил хэрэглэж ирснийг түүх өгүүлдэг. Ийм өгөөш үмхэж, эх орноосоо урвасан урвагчдыг хэдэн үеэр нь жигшдэг. Түүхэн сургамжийг мэдсээр байж эх орноосоо урвана гэдэг бол том тэнэглэл. "Хийвэл бүү ай!" гэж өвгөд сургасан. Орчин цагийн Монголд сүүлийн 30 жилд энэ технологид олзлогдсон олон урвагчид эхнээсээ ил болж байна. Тэд мөд бүрэн илчлэгдэж нүглээ үүрч л таараа. Эдийн засгийн ухааны доктор Т.Баярхүү
-
С.Одонтуяа: 2017 онд авлига, албан тушаалын хэрэгтнүүдийг өөгшүүлсэн заалт оруулсан нь маш том алдаа....... гэж хэлсэн байна ,тэр нь юу гэсэн үгтэй заалт вэ? гишүүн Одонтуяа та албан ёсоор тайлбараа Ард Түмэн,сонгогч олонд тайлбарлаж өгөөчээ
-
яахаараа авлига, албан тушаалын хэрэгтнүүдийг өөгшүүлсэн заалт оруулдаг юм бол ??? ийм хуулийн заалт санаачилж оруулсан хүн нь хэн бэ ??
