Зөрчлийн тухай хуульд нэмэлт өөрчлөлт оруулах талаар өнгөрсөн долоо хоногт сэтгүүлчид санал бодллоо солилцохоор чуулсан юм. Уг хуулинд сэтгүүлч болон хэвлэл мэдээллийн байгууллагын өдөр тутмын үйл ажиллагаанд саад болохуйц заалт хэд хэд байгааг сэтгүүлчид онцолж түүнийг хуулийн байгууллагын төлөөлөлд дуулгах байлаа.
Гэтэл хэлэлцүүлгийн зохион байгуулагч, оролцогч, зочин гээд Монголын сэтгүүлчдийн нэгдсэн эвлэл, Глоб Интернэшнл ТББ, Монголын телевизүүдийн холбоо, Монголын өдөр тутмын сонины холбоо, Монголын сайтын холбоо, Монголын үндэсний сайтын хөгжлийн нэгдсэн холбоо, Тэргүүлэгч сайтуудын холбоо, Мэдээллийн сайтуудын ассоциаци, Монголын гэрэл зурагчдын нэгдсэн холбоо, Эм Би Си телевизүүдийн холбоо, Монголын хэт богино долгион, Фм радиогийн үндэсний холбоо болон хууль, шүүх, цагдаагийн байгууллагын төлөөллүүд бүгд ирсэн ч Хууль зүй, дотоод хэргийн яамнаас хүн ирээгүй.
Сэтгүүлчдийг тагнаж, чагнасан гэх асуудлаар шалгагдаж байгаа Ц.Нямдорж сайд өөрөө сэтгүүлчдийг хүндэтгэн энэ арга хэмжээнд оролцох боломжгүй байсан байж болно. Харин доод албан тушаалтнуудынхаа төлөөллөөс илгээгүй нь гайхаш төрүүлэв. Тэр үнэхээр сэтгүүлчдийг тагначихаад, сэтгүүлчдээс айгаа юм болов уу гэх хардалт олон сэтгүүлчдэд төрснийг нуух юун.
Эх сурвалж: mminfo.mn