Европын орнуудад суугаа манай дипломатууд хар тамхины бүлэглэлд татагдан орж буй ажээ
2019/06/11
Манай хоёр дипломат ажилтан Германд хар тамхины хэргээр баривчлагдаж эх орноо дэлхийн шившиг болоод байгаа билээ. Тэдний нэг нь Туркийн Стамбул хот дахь Консулын газрын дэд дарга Б.Баттүшиг гэгч бөгөөд урьд нь Бангкок, ОХУ-д консулаар ажиллаж байжээ. Харин нөгөөдөх нь Гадаад харилцааны яамны автограшид 20 гаруй жил ажилласан С.Эрдэнэбаяр гэдэг 50 орчим настай жолооч эр юмсанж. Тэд Германы Дрезден хот руу Турк улсын дугаартай машинаар 70 кг героин зөөж яваад саатуулагдсан даруйдаа Стамбулд Консулын газрын даргаар ажиллаж байгаад чөлөөгдөн эх орондоо ирээд байгаа Э.Мөнх-Очиртой утсаар ярьж амжсан байлаа. Ухаандаа хар тамхины хэргээр баривчлагдсан мань хашрууд хуучин даргатайгаа юун түрүүнд тийнхүү утсаар холбогджээ. Э.Мөнх-Очир нь ч тэднийхээ утсаар ярьсныг хүлээн зөвшөөрч, хэвлэлийнхэнд тайлбарлахдаа “Тэд надтай ярьсан. Харин би Германд суугаа Элчин сайдын яам руу залгаж болсон явдлыг дуулгасан” гэх ухааны юм хэлж буй нь олны анхаарлыг татаж байна. Сайхь хоёр этгээд яагаад заавал албан тушаалаас буугаад Монголдоо таваргаж яваа Э.Мөнх-Очирт тийм хэргээр баривчлагдсан тухайгаа хамгийн түрүүнд мэдэгдэх болов. Гадаад харилцааны яам руугаа яагаад ярьсангүй вэ. Заавал Э.Мөнх-Очироор дамжуулан Германд суугаа Элчин сайд руу мэдэхийн учир юу байв. Өөр чухам юун тухай тэд Э.Мөнх-Очиртой аминчлан ярилцав. Энэ мэт олон асуудал учир битүүлэг үлдэж байна.
Дэлхий даяар Монголоо тийнхүү харлуулж орхисон дипломат ажилтнуудынхаа талаар бас Гадаад харилцааны сайд Д.Цогтбаатар нь саяхан байр сууриа илэрхийллээ. Түүний ярианаас мөн анхаарал татахуйц хэд хэдэн зүйл анзаарагдаж байна. Тухайлбал, тэрээр Э.Мөнх-Очирт нөгөө баривчлагдсан хоёр нь юу ярьсныг мэдэхгүй гэлээ. Энэ ч аргагүй биз. Харин Э.Мөнх-Очирыг Стамбулд Консулын газрын даргаар ажиллаж байгаад гуравдугаар сарын сүүлчээр чөлөөлөгдсөний дараагаар уг хэрэг гарсан юм байна. Мөн Э.Мөнх-Очир нь Анкарад Элчин сайд болж очих хүсэлт гаргаад байгаа ажээ. Түүний энэ хүсэлтийг Засгийн газарт хүргүүлсэн, асуудал нь хурлаар орох болсон юм гэнэ. Өөрөөр хэлбэл, Стамбул дахь Консулын газарт удирдлагад нь ажиллаж байсан хоёр этгээд Туркээс Герман руу 70 кг хар тамхи тээвэрлэсэн хэргээр Германы шүүхээс ял сонсох нь нэгэнт тодорхой болж буй энэ үед Э.Мөнх-Очирыг албан тушаал дэвшүүлэн Турк улсад суух Элчин сайд болгох яриа хөөрөө Гадаад харилцааны яамнаас халиад Засгийн газрын түвшинд хэлэлцэгдэх гэж байгаа ажээ. Шударга ёсны төлөө үхэхээс айдаггүй У.Хүрэлсүх нь хэрвээ Э.Мөнх-Очирыг Элчин сайд болгохоор дэмжвэл Ерөнхийлөгч Х.Баттулга харин эсэргүүцэж УИХ-д оруулахгүй л болов уу.
Цогтбаатар сайдын ярианаас үзэхэд Европын орнуудад суугаа манай Элчин сайдын яамдын ажилтнууд ер нь дээрх төрлийн болон бусад хэрэг зөрчлүүдээр бараг бүхэлдээ шалгагдаж байгаа юм байна. Манай иргэдийг гадаадынхан хар тамхины наймаанд татан оруулдаг болсоныг ч тэр нуусангүй. Мөн тэрээр “Ийм хэрэгт холбогдсон этгээдийг барих тогтолцоог бүрдүүлэх нь миний үүрэг. Би хариуцлага хүлээхэд ч бэлэн. Өнгөрсөн онд тиймэрхүү ижил төсөөтэй байдал үүссэн тул сайдын хувьд энэ оны нэгдүгээр сарын 15-нд тусгай хүчний байгууллагад албанд бичиг явуулж байсан” гэлээ.
Монголын дипломат ажилтнууд дээр үеэс уламжилсан элдэв муу зуршилтай, хэтэрхий цус ойртсон, элдэв гэмт хэргийн шинжтэй далд бүлэглэл болоод байгааг анзаараагүй хүн ховор болов уу. Урьд нь Болгарт сууж байсан дипломат ажилтан хар тамхины хэрэгт холбогдон яллагдаж л байсан. Тэгвэл одоо Европын орнуудад суугаа манай дипломатууд хар тамхины гэмт бүлэглэлд бөөнөөрөө татагдан орж буй ажээ.
О.Баяр
Шуурхай.мн
Энэ мэдээ таалагдаж байвал:
Сэтгэгдэл 13
-
ХАРИУЦСАН ЯАМНЫ ДИПЛОМАТЧИД НЬ ТЭР АЯАРАА ХАР ТАМХИНЫ НАЙМАА, КОНТРОБАНДЫН ХЭРЭГТ УНААД БАЙХАД САЛБАРЫН САЙД ЦОГТБААТАРТ НЬ МӨН ХАРИУЦЛАГА НООГДУУЛЖ ОГЦРУУЛААЧЭЭ У. ХҮРЭЛСҮХЭЭ, МАН Ч ЁСТОЙ БУЛАЙГАА ДЭЛГЭЖ БАЙХ ШИВ ДЭЭ.ГХЯ НЫ САЙД НЬ ХАР ТАМХИЧИН НЭР АВЧ, ЭРҮҮЛ МЭНДИЙН САЙД НЬ СҮРЬЕЭ, ТЭМБҮҮ НЭР АВЧ ЁСТОЙ ЭМГЭНЭЛТЭЙ БАЙНАА???
-
Нэг үхрийн эвэр доргивол мянган үхрийн эвэр доргино гэсэн үг байдаг. Шуналдаа автсан, эх орон, ард түмнийхээ нэрийг шавартай хутгасан энэ 2 "дипломат" үе үеийн дипломат албанд үнэнч шударгаар зүтгэж төр улсынхаа Алтан аргамжийг бэхлэлцэж явсан төрийн тусгай албаныхны нэр нүүрийг баастан дэлхийн шившиг болголоо. Салбарынхан нь харамсавч баршгүй муу нэр зүүлээ. Иймэрхүү зүйл урд нь сонсогдож, зарим нь илчлэгдэж, арга хэмжээ авахуулж байна гэж ярьдаг л байсан. Гэтэл тангараг өргөсөн үе үеийн шудрага дипломатуудынхаа нэр хүндийг уландаа гишгэж шуналын дэв шүглэсэн иймэрхүү сүгнүүд дипломат албанд маань шургалж улмаар зохион байгуулалтанд орсон юм биш биз гэх сэтгэл эмзэглүүлэм бодол төрж байна. Хайран сайхан төрийн эрхэм алба, эх орон ард түмнийхээ төлөө хоёргүй сэтгэлээр зүтгэж ирсэн ахмад үеийнхний маань нэр хүнд, алдар гавьяа хэмээн харуусавч баршгүй. Сүүлийн үед ГХЯ-ны боловсон хүчний бодлого алдагдаж шахаасны гэгдэх долдойнууд энэ албанд олширсны гай энэ биз. ГХЯ бүр сүүлдээ төрийн гадаад харилцааг хэрэгжүүлэхдээ аваилгач дээдсийн дохио зангаанд хэт захирагдаж тэдний хүсэл , шаардлагыг хэрэгжүүлдэг болсон гэлцдэг нь ч оргүй биш. ГХЯ-ны удирдлага энэ байдалд эрхбиш дүгнэлт хийж эгнээгээ цэвэрлэх, боловсон хүчний бодлогоо "шахааны" гэгддэг бохир арга барилаас даруй салгаж, дипломат албанд мэргэжлийн чадвар, хэлний болон боловсролын өндөр шалгуураар ажилтан шалгаруулдаг зарчимд шилжин шударга өрсөлдөөний салхи оруулж гадаад томилгоондоо дотроо сонгон шалгаруулалтын шудрага зарчим баримтлах замаар төрийн тусгай албаныхаа чадавхийг чамбайруулж нэр хүндийг сэргээх цаг болжээ.
-
МУУХАЙ ХАРГДУУЛАХ ЮУ Ч БИШ ЭНЭ САЙД ОФФШООРОО ТАЙЛБАРЛААЧ. ОФФШОРТОН МУ-ЫН ГААДААД АЛБЫГ ГҮЙЦЭТГЭЖ БОЛОХ УУ? АРД ТҮМНИЙ ХӨРӨНГИЙГ ЛУЙВАРДААД ОФФШОРТ БАЙРЛУУЛСАН ХҮН ШУДАРГААР МОНГОЛЫН ТӨЛӨӨ ЮМ ХИЙЖ ЧАДАХ УУ?ЭНЭ ХҮНИЙГ ХЭН ХАЙЦААЛААД ӨГШҮҮЛЭД БАЙДАГ ЮМ БЭ?
-
АРД ТҮМНИЙ АМЬДРАЛ ТУЙЛДАА ХҮРЧИХЭЭД БАЙНА. АВТОБУСАНД ХОТЫН ЗАХ РУУ ЯВЖ БАЙГАА ХҮМҮҮСИЙН ЦАРИА НҮДНИЙ ХАРЦ ЯМАР ИХ УЙТГАР ГУНИГААР ДҮҮРСЭН. АРД ОЛОН ТАМТАГТАА ТУЛЧИХААД БАЙХАД ХЭДЭН ЮМУУДЫГ ЭРХЛҮҮЛЭЭД ГЭМТ ХЭРЭГ ХИЙГЭЭД БАЙХАД НЬ ӨӨГШҮҮЛЭЭД НУУН ДАРАГДУУЛААД БАЙХ УУ?
-
МУ-ЫН ДИПЛОМАТ АЛБАНЫЗОРИЛГО ӨӨРЧЛӨГДӨЖ УЛСЫН ТӨЛӨӨ АЛБА ХААХ ГЭЖ ЯВДАГГҮЙ ЗӨВХӨН ХУВИЙН АШИГ ХОНЖОО ХӨӨЖ ЯВДАГ БОЛСОН БАЙНА6 ЭНЭ АЛБЫГ ЦЭВЭРЛЭЖ ЖИНХЭНЭ ГОЛДРОГ РУУ НЬ ОРУУЛАХГҮЙ БЛ МУ-ЫН ДАРХЛАА ҮГҮЙ БОЛЧИХООД БАЙНА.
-
ЕРТӨНЦИЙН ШИВШИГ БОЛЖ ДУУСЛАА. АЖЛАА ӨГӨӨЧ МАЛАА??? 202.131.245.69 ТООТ СЭТГЭГДЭЛД ХАНДАН ХЭЛЭХЭД ОДООГИЙН ЭНЭ ХҮМҮҮС МАН-ААС ТОМИЛОГДОН АЖИЛЛАЖ БАЙГАА ХҮМҮҮС БАЙГАА БИЗ ДЭЭ. АН Монголыг самарчихлаа гээд байх юм. МАН САМРААД БАЙГАА ЮМ БИШ ҮҮ??? 20 ОНЫ СОНГУУЛИАР ЭНЭ БАЙДЛААРАА МАН АРЧИГДАНА.
-
Ийм замбараагүй байдал бий болох замыг Ардчилсан Нам суурийг нь тавьсан шүү дээ.АН ер нь Монгол орны голомтыг самарчихлаа. Эд нар хэзээ өөрсдөө самруулах юм бэ. Хурдан самраад өгөөч Хүрэлсүхээ. Удвал Монгол үгүй болох юм байна даа
-
дээд хүн суудлаа олохгүй бол доод хүмүүс нь гүйдлээ олохгүй гэж нэг үг байдаг билүү
-
Энэ бол арай хэтэрсэн үйл явдал.Бид ер нь тусгаар улс байж чадахаа болих нь уу дээ.Бурхан минь. ерөнхийлөгч өө, Их хурлын дарга аа, Ерөнхий сайд аа.
-
Дэлхийд тархсан монголчууд хулгай хийдэг, хар тамхи зөөдөг, ер нь өөдгүй хүмүүс гэсэн ярианаас болж гадаадад явахдаа өөрийгөө монгол гэж хэлэхээс ичдэг боллоо
-
Та нөхдийн хариуцлагагүй байдлаас болж МОнгол иргэд гадагшаа гишгэх эрхгүй болховдээ чаавас, Храиуцлагаа үүр , Огцор бодхоор л уур хүрээд байхын сда
-
ийм сайдтай байхад аргагүй дээ
-
Сайдаа та учир байдлыг анхнаас нь мэдсийн бол шуурхай арга хэмжээ авч ажиллах ёстой атал маш хойрог хандсан байна. 2-3 дипломат албаны хариуцлага, шунал Ёсзүйгүй байдлаас болж МОНГОЛ улсын ГХЯ, Дипломат алба,ОУ-ын нэр хүнд юу ч үгүй навс уналаа , Улс эх орон цаашлаад Монголын үе үеийн дипломат албаныхны өмнө байгаагүй хүнд байдал гарлаа. бид ОУ-ын харилцаанд шившиш боллоо. Таны хойрог хандсанаас болжээ Та Ёсзүнй хариуцлага хүлээ Огцор Бидгий арьсаа хамгаалаад бай. Өөрийг чинь бүр муухай харагдуулж байна
