Д.Одбаярт 7 сая вонын торгууль тавьж, хилийн хоригийг нь цуцаллаа
2019/11/13
Үндсэн хуулийн цэцийн дарга Д.Одбаярт БНСУ-ын Инчеон хотын прокурорын байгууллага долоон сая вонын торгох шийтгэл ногдуулсныг прокурор Ян Кун Су нийтэд мэдэгдлээ. Мөн түүнд тавьсан хилийн хоригийг өнөөдрөөс цуцласан байна.
Д.Одбаяр нь, аравдугаар сарын 31-нд Улаанбаатар-Сөүл чиглэлд Корэйн эйр компанийн онгоцоор зорчихдоо үйлчлэгч бүсгүйн өгзөгөнд хүрсэн, дарамталсан гэх асуудалд холбогдсон юм. Инчеон хотын цагдаагийнхан түүний зорчиж явсан онгоцыг тосч Д.Одбаярыг саатуулахад болсон явдлыг үгүйсгээд, Индонез улс руу Олон улсын цэцийн гишүүдийн хуралд эх орноо төлөөлөн явж байгаагаа учирлаж, эргэж ирээд тайлбар мэдүүлгээ өгье гээд явжээ. Түүнийг дипломат эрх ямбатай учраас сулласан гэх Инчеоны цагдаагийн албан хаагчид хариуцлага хүлээсэн юм.
Цэцийн дарга Д.Одбаяр хурлаа дуусгаад энэ сарын 6-нд БНСУ-д буцаж ирэхэд нь цагдаагийнхан баривчилж, 14 цагийн турш байцаалт авсан. Тэрээр эхний мэдүүлгээсээ буцаж, согтуурах ундаа хэрэглэсэн байсан тул юу болсныг санахгүй байна гэжээ.
Харин өнөөдөр Инчеоны прокурорын газрын Гадаад харилцааны асуудал хариуцсан прокурор Ян Кун Су Д.Одбаярыг яллах дүгнэлтэд тусгасан үйлдлүүдийн дийлэнхийг хүлээсэн хэмээн мэдэгдэв.
Д.Одбаяртай хамт онгоцонд зорчиж явахдаа мөн л хууль зөрчсөн гэгдэх О.Батчулуун Сингапур яваад эргэж ирээгүй. Түүнийг эрэн сурвалжлуулах хүсэлтийг прокурорын байгууллагаас Интерполд өгөөд байгаа юм.
Дашрамд дурдахад, Монгол Улсын Үндсэн хуулийн цэц болон УИХ-ын дарга Г.Занданшатар нар Д.Одбаярыг дээрх үйл явдалд буруугүй, тийм зүйл болоогүй гэж мэдэгдсэн юм.
Энэ мэдээ таалагдаж байвал:
Сэтгэгдэл 5
-
Гадаадад хууль зөрчжээ, шүүх нь батлаад торгуулжээ. Энэ нь монголд хэрхэн тусдагийг харах завшаан. Гадаадын хилийг дипломат эрх ямбатайгаараа давах уу? Монгол улс шийдвэрээ хэзээ гаргах вэ? Шүүх шийдвэр гаргачихсан байхад манайд тэр нь хэзээнээс хэрэглэгдэх вэ? Харцгаая даа
-
"Мерит зарчим" алдагдсны нэгэн яруу тод жишээ нь Д.Одбаяр гуай юм. Одоо Монголоор дүүрэн Одбаяртангууд. Монголчууд бараг л бүгдээрээ хүн чанараа гээж адгуусан амьтад болсон. Яг л дуртай гүү, ингэ, үнээ, хонь, ямааг үнэрлэж явдаг азарга, буур, бух, хуц, ухна мэт болцгоосон. Монголчууд хүн биш, амьтаны сүрэг болцгоосон . Энэ бол Ардчиллын буян. Ардчилал бол хүнийг адгуусан амьтан болгодог бузар технологи юм.
-
Монголчууд 1990 оноос хойш төрийн албыг намын алба, төрлийн алба, танил талын алба, цүнх баригчдын алба, авилгал хээл хахуулийн алба болгосон. Гэтэл дэлхийн өндөр хөгжилтэй орнуудад зуу зуун жилийн туршид төрийн албыг “Мерит зарчим”-ын алба болгосоор иржээ. “Меритократия” буюу “Мерит зарчим” нь мөн чанартаа улс төрчид болон төрийн албан хаагчдыг намын харъяалал, намд хандивласан хандив, намд өгсөн авилгал, танил тал, садан ураг төрлийн холбоо, дарга нарын цүнх барьж гүйсэн гүйлт зэргээр нь биш, харин ажил мэргэжлийн өндөр мэдлэг, ур чадвар, дадлага туршлага, ёс суртахууны төлөвшил зэргээр нь шилж сонгоод хамгийн бага албан тушаалаас нь эхлэн шат дараалуулан дэвшүүлэн ажиллуулдаг зарчим юм. Жишээлбэл, энэ зарчим нь АНУ-ын Төрийн албаны хуулийн гол зарчим болжээ. Монголд 1990 оноос хойш энэ зарчим алдагдаад, монгол төрийн алба бүхэлдээ булингартаж, одоо Монгол мөхөл, сүйрлийн ирмэгт тулж иржээ.
-
Иргэний бүртгэлд очоод нэрээ өөрчлөхийг зөвлөе. Өгзөгбаяр ч юм уу, Баздагбаяр ч юмуу, Илдэг ч юм уу, эсвэл Бөгсбаяр байж болно. Бодоорой п доо хө
-
hiisen holbootoi holboogyi geh yum baihgyieeee.bushuuhan byh alban tushaalaa uguud mongol turuus neg neg ne ch gesen hurdhan zailaad ugnyyy
