Б.Болороо: Энэ уучлал биш доромжлол "Хишиг арвин" ХХК-ийн захирал, НИТХ-ын төлөөлөгч М.Тулгатаа


Хөгжлийн бэрхшээлтэй хэдий ч өөртэй нь ижил зовлонтой иргэдийн дуу хоолой болон нийгэмд танигдсан Буянжаргалын Болороогийн нөхөр ажлын байран дээрээ харамсалтайгаар амиа алдсан  харамсалтай хэрэг өнгөрсөн зургаадугаар сард гарсан. Тус хэрэг өнөөдрийг хүртэл шийдэгдээгүй байгаа. Үүнтэй холбоотойгоор, Б.Болороо нөхрийнхөө золгүй байдлаар амиа алдсан явдлыг үнэн шударгаар шийдүүлэхийн тулд ээжтэйгээ хамт төв талбай дээр долоо хоног суулт хийсний үр дүнд Ерөнхий сайд У.Хүрэлсүхтэй уулзаж чадсан юм.

Тодруулбал, Ерөнхий сайд У.Хүрэлсүх өөрийн биеэр уулзаж, эмгэнэл илэрхийлэн хоёр шаардлагыг нь холбогдох хуулийн хүрээнд нэн даруй шийдвэрлэхийг ХЗДХ-ийн Ц.Нямдорж сайд болон ЦЕГ-ын С.Баатаржав даргад үүрэг болгосноор Б.Болороо суултаа зогсоосон.

Тэгвэл түүний ажиллаж байсан “Хишиг арвин индустриал” компанийн зүгээс уучлалт хүсч, эмгэнэл илэрхийлсэн мэдээллийг өнөөдөр өдөр тутмын томоохон сонингуудаар дамжуулан хүргэжээ.

Харин энэ асуудлаар Болороо фэйсбүүк хуудсаараа мэдэгдэл хийлээ. Тэрбээр "Өдийг хүртэл авсан доромжлолуудаас хамгийн том нь энэ байлаа.  Яанаа энэ компани 11 дүгээр сарын 1-нд ӨДӨР ТУТМЫН СОНИНГУУД (ЗУУНЫ МЭДЭЭ, ӨДРИЙН СОНИН)-ААР ДАМЖУУЛАН УУЧЛАЛ хүссэн байна. Gogo.mn оруулсан байна. Би бүр тэсэхгүй сэжиг хүрээд байна аа. Уучлалыг нь сонсох ёстой хүмүүс нь юу ч мэдээгүй байдаг УУЧЛАЛ гэж байдаг юмуу.

Энэ компаний гүйцэтгэх захирал М.Тулгат манайд 7 сарын 23-наас 10 сарын 14 хүртэл 4 удаа ирсэн. Хамгийн сүүлд ирэхдээ "БИ ТОЛГОЙ ГУДАЙЖ ЗОГСООД УУЧЛАЛ ГУЙХААР НӨГӨӨ НАМААС АЛУУРЧИН ТУЛГАТ ГЭЭД ХАР ПИАР ХИЙЧИХНЭ ТИЙМ БОЛОХООР ЗУРВАС МАЯГААР ГУЙЯ" гэхэд нь би ҮГҮЙ, НАДААС ГАДНА ОЛОН ХҮН ТАНАЙ УУЧЛАЛТЫГ ХҮЛЭЭЖ БАЙГАА ГЭЖ ХЭЛСЭН. Надад ингэж хэлсэн бичлэг нь ч байгаа. Арчаагүй гэдгээ олонд зарлаад яваад байгаа нь ТА НАР ӨӨРСДӨӨ ШҮҮ. Энэ компаниас хамгийн сүүлд гаргасан дахин нэг арчаагүй үйлдлийн тухай бас дэлгэнэ ээ. Одоо бүх хариуцлагаа охин компани руугаа чихэж байна!!! Ёстой хэлэх муу үг олдохгүй байна аа.

ЭНЭ УУЧЛАЛ БИШЭЭ ДОРОМЖЛОЛ!!!." гэжээ. 

 


Энэ мэдээ таалагдаж байвал:


  • иргэн · [192.82.66.196] · 2019/11/15

    Шударга,ёс зүйг л шаардаж байгаа юм зөв шүү.Албан тушаал эзгэнэсэн шалихгүй хүнэнцэрүүд л гэхээс.


  • B G · [103.10.22.8] · 2019/11/14

    Hishig Arvin bolioch ee Tanaih uul uurhain MAGNAT kompani gesen biz dee


  • Зочин · [202.70.37.2] · 2019/11/14

    Болороо нэгэнт өнгөрсөн хүн босоод ирэхгүйгээс хойш уучлалын нь хүлээж авдаа Талийгаач зайлуул тайван нойрсог дээ Ясыг өндөлзүүлээд яахав Өс санаж байгаад алчихсан биш осолоор өөд болсон л гэж олон нийт ойлгосон шүү дээ.Цаад ХХК ч гэсэн ар гэрийг нь харж үзэж ахуй амьдралд чинь тус болох зүйл хийх хэрэгтэй. Хоёр тал эвтэй найртай тохиролцох хэрэгтэй