Улсын аварга С.Мөнхбат: МҮБХ гэх төрийн бус байгууллага бөхчүүдийн барилдах эрхэд халдаж байгаа нь хууль бус
2020/01/16
Энэ цагт барилдаж буй аварга арслангууд заалны барилдаанд зодоглохоо болиод байгаа. Улсын аварга Ч.Санжаадамба, С.Мөнхбат нар өнөө жилийн улсын наадамд зургаа давж шөвгөрснөөсөө хойш нэг ч барилдаанд зодоглосонгүй. 2017 онд улсын наадмын түрүү бөх Ц.Содномдорж бөхийн өргөөнд барилдаагүй. Тэрбээр Өмнөд Монголын Ордос хотод зохион байгуулагдсан мэргэжлийн бөхийн барилдаанд зодоглосон. Энэ үеэрээ “Допингийн асуудлаа яаралтай шийдмээр байна” гэх тайлбар хийж байсан удаатай. Мөн Б.Гончигдамба гарьд ч намрын барилдаануудад барилдаагүй. Тэгвэл Монголын Үндэсний бөхийн холбооны тэргүүлэгчид хуралдаж өндөр цолтнуудыг барилдаанд оролцуулах журмыг баталжээ. Үндэсний бөхийн барилдаанд улсын цолтой бөхчүүдийн оролцоог нэмэгдүүлэх журмыг 2020 оны нэгдүгээр сараас мөрдөхөөр тогтоод байгаа юм байна. Тэргүүлэгчид хэлэлцээд улсын алдар цолтой бөхчүүдийн барилдаанд заавал оролцох хувийг дараахь байдлаар өөрчлөлт оруулан баталжээ.
Журамд зааснаар:
-27 хүртэлх насны бөхчүүд нийт барилдааны 80 хувьд
-28-33 насны бөхчүүд нийт барилдааны 70 хувьд
-34-37 насны бөхчүүд нийт барилдааны 50 хувьд заавал барилдах ёстой гэж заажээ.
Харин 38-аас дээш насны бөхчүүд сайн дураараа барилдах бөгөөд эдгээр хувьдаа хүрээгүй бол наадам болон цагаан сараар барилдуулахгүй байх журмыг мөрдөхөөр тогтсон байна.
Улсын аварга Ч.Санжаадамбын тухайд өнөө жил 35 настай. Нийт барилдааны 50 хувьд зодоглоогүй тохиолдолд улсын наадмаар барилдах боломжгүй болно гэсэн үг. Харин 32 настай Н.Батсуурь аварга нийт барилдааны 70 хувьд оролцох ёстой болж байгаа юм. Б.Гончигдамба гарьд, Ц.Содномдорж арслан нийт барилдааны 50 хувьд барилдах шаардлагатай болж байна.
Улсын аварга С.Мөнхбат: МҮБХ ГЭХТӨРИЙН БУС БАЙГУУЛЛАГА БӨХЧҮҮДИЙН БАРИЛДАХ ЭРХЭД ХАЛДАЖ БАЙГАА НЬ ХУУЛЬ БУС
Шинэ Үндсэн хуулийн барилдаанаас эхэлж хэрэгжээд буй журмын талаар Монгол Улсын аварга С.Мөнхбатын байр суурийг сонслоо.
-Монголын Үндэсний бөхийн холбооноос бөхчүүдийн барилдааны идэвхийг нэмэгдүүлэх журам баталж гаргажээ. таны хувьд нийт барилдааны 50 хувьд нь барилдаж байж цагаан сар болон улсын баяр наадамд барилдахаар болж байна. одоогоор та нэг ч барилдаанд зодоглоогүй байна?
-Монголын Үндэсний бөхийн холбоо ямар чадамжтай байгууллага билээ, бөхчүүдийнхээ төлөө юу хийж байгаа билээ. Төрийн бус байгууллага бидний эрхэд халдаж багаа нь хууль бус. Бөхчүүдийн эрх ашгийг хамгаалах байгууллага бэртэж гэмтэж байгаа бөхчүүдээ харж үздэггүй шүү дээ. Энэ мэт олон зүйл дээр дутагдалтай ажиллаж байгаа.
Өнөөдөр Монголын Үндэсний бөхийн холбоо ганцхан хүн дээр зангилагдсан байж нэг ч удаа хурал хийгээгүй. Үндэсний бөхийн нэр хүнд нийгэмд унаж байна. Үүний эсрэг дорвитой ажил хийвэл зүгээр санагдах юм. Зөвхөн бөх барилдаад амьдарна гэдэг хэцүү болсон. Олон шалтгааны улмаас бөхчүүд барилдахгүй байгаа. Нийгэмд таалагдахын тулд бөхчүүдийн эрхэд халдаж байгааг ойлгохгүй юм. Хэрэгжихэд хэцүү журам.
-Өнөө жилийн наадмын түрүү бөх улсын аварга Э.Оюунболд допингийн шинжилгээнд бүдэрснийг Баяр наадам зохион байгуулах хорооноос зарласан. энэ асуудлыг шийдэгдтэл барилдахгүй гэсэн байр суурьтай бөхчүүд байна лээ. таны хувьд ямар шалтгаанаар барилдахгүй байна вэ?
-Бид бөхөөр амьдарч байгаа улс. Бөх барилдаж л өдий зэрэгтэй яваа. Бөхийн нэр хүнд унасан нь Монголын Үндэсний бөхийн холбоо өнөөдөр доголдолтой ажиллаж байгааг илтгэж байна. Допингийн эсрэг ч дорвитой арга хэмжээ авахгүй байна шүү дээ” гэв.
Улсын аварга Н.Батсуурийн байр суурийг сонсоход “Онцгүй л юм. 37 настай бөхийг нийт барилдаануудын 50 хувьд барилдана гэж журманд заасан байна лээ. Өмнөх журмын заалтаасаа насыг нь ахиулчихсан байна лээ. 30 хол гарсан хүн ачаалалтай бэлтгэл хийгээд залуучуудтай барилдахад хүнд л дээ. Наанадаж л бэртэл гэмтэл авах эрсдэлтэй” гэв.
Монголын Үндэсний бөхийн холбооны ерөнхий нарийн бичгийн дарга Д.Цогтбаатар “Үнэхээр бэртэл авсан бол эмчийн бичиг, акт үзүүлээд цагаан сар, наадамд барилдах боломжтой. Үнэхээр мэс засал хийлгээд гам барьж байгаа бол барилдах аргагүй шүү дээ” гэж мэдэгдсэн юм.
Улсын аварга Ч.Санжаадамба, С.Мөнхбат, Ц.Содномдорж, улсын гарьд Б.Гончигдамба, улсын заан Н.Жаргалбаяр нарын бөхчүүд наадмаас хойш одоогоор нэг ч барилдаанд зодоглоогүй байгаа. Шинэчлэгдсэн журмын дагуу ирэх наадмыг идэр цолтнууд өнжиж магадгүй болоод байна.
Эх сурвалж: Өдрийн сонин
Энэ мэдээ таалагдаж байвал:
Сэтгэгдэл 10
-
Бөх хүн тэр тусмаа аврага цолтой бөх хүн битгий хэрүүл хийж бай Төрийн наадмын магнай болсон сайхан аврага гэж бодож байсан чинь бас Баянмөнхийн дагалдагч юм шив дээ Мөнхбатыг оршуулж ирчихээд л бөхийн өргөө рүү дайч байгаа нь даан ч дээ гэмээр байсан шүү Бөхчүүдийг битгий уруу татлдаа сайнаар үлгэрлээч дээ хар хэл аманд орооцолдоод л хэрүүл хийгээд л байвал давах даваа чинь цөөрөөд л байх байх даа Жинхэнэ бөх хүн хулгай худал хэрүүл тэмцэл садар самуун зэргээс их хол явах ёстой гэж их том аврага Чимэдочир гэдэг хүний ярьж байхыг хуучнаар хоршоолол нийгэмлэгийн зааланд хүмүүс тойруулж суучхаад ярьж байхыг сонсож байлаа Одооны том цолтнууд хэрүүл хийж байвал бах нь ханадаг юм уудаа
-
УВС намын бөхчүүдийг барилдуутахаа больчих. Эвнээс 9 дандаа хэрүүл гардаг. Хэрүүлийн бузар шингсэ өвгөнөө аваад тэр увсдаа очиж ноололдвол тсаина. Монгол бөхийн дэвжээг увсуудаар бузарлуулж боломгүй.
-
танай нутгийн өвгөн аварга хүргэн хүүтэйгээ/ асан/ нийлээд холбооны ажлыг үймүүлээд хүмүүсийн ажиллах боломжийг хаагаад байгаа шүү дээ ард түмэн ойлгож л байна үүнийг бөхчүүд өөрсдөө л өөрчилнө шүү дээ залуу аварга арслан заанууд ажиллах цаг болсон шүү аль болгон өвгөн аваргын тоглоомонд хохирох ёстой юм бэ
-
маш зөв шийдвэр байнаа бооцоо өндөр барилдаанд барилдчихаад л бусад барилдаанд ирдэггүй том цолтонгууд эсэргүүцээд байх шаардлагагүй төр ард түмэн хайр хишгээ харамгүй өгч байгаа шудаггүй бөхчүүдэд дүрэм журмыг сайн мэдрүүлэх хэрэгтэй. бөхийн холбооны дүрэм журам хатуу чанга байх нь маш зөв шүү Мөнхбат аваргаа
-
neg avarga arslangaar dutahgyu bh. Holboondoo zahiragdah yostoi. Neeh tom humuus shig medegdel, yariltslaga hiisen gomdolson humuus.
-
дүрмээ барь барилдвал барилд боливол нэг мөр боль гайгүй барилдаад эхэлэхээрээ мөнгөтэй холилдохоо больцгоо зарим толгой муутай нь ер нь дийлэнх нь бөхийг бизнес гэж төөрдөгөө больцгоо нутгархах хуваагдахаа болихгүй бол бөхийн нэр хүнд шалан дээр унах нь байна шүү
-
дүрмээ барь барилдвал барилд боливол нэг мөр боль гайгүй барилдаад эхэлэхээрээ мөнгөтэй холилдохоо больцгоо зарим толгой муутай нь ер нь дийлэнх нь бөхийг бизнес гэж төөрдөгөө больцгоо нутгархах хуваагдахаа болихгүй бол бөхийн нэр хүнд шалан дээр унах нь байна шүү
-
Барилдаанд оролцохгүй байж бөхөөрөө амьзардаг гэж яриад байгааг юу гэж офлгох вэ Гэмтэлтэй бол эмнэлгийн дүгнэлт гаргуулах тэрч бүү хэл допингифн төрөлд хамаарах эмийг урьдчилан мэдэгдэж нэг удаа хэрэглэх ч зохицуулалт бафдаг биз дээ олныг бэясуулагч нэрээ хадгахыг хичээцгээ
-
Бөхөнчөрүүд барилдахгүй бол зодгоо тайлаад л зайлж яваа,,,битгий Монгол түмнийг тохуурхаад бай....цаан чинь зөндөө залуучууд , бөхчүүд болох залуусАрд Дүмнийг хөгжөөж баяруулж чадна
-
irj bari;dahgui ym bol zodog tailsan ni deerdee. Tgd ter business ntr ee hiine biz nuhud
