ЭМЯ-наас өдөр бүрийн 11:00 цагт өгдөг ээлжит мэдээллийн үеэр ХӨСҮТ-ийн захирал Д.Нямхүү "2020 оны долдугаар сарын 21-ний өдөр ХӨСҮТ-ийн вирус судлалын хоёр, Дархан-Уул аймгийн салбар лабораторид нийтдээ 461 хүний сорьцоос шинжилгээ авахад, бүх хүний шинжилгээний хариу сөрөг гарлаа. Эдгээрийг нарийвчлан танилцуулъя. 2020.07.02 Сөүл-Улаанбаатарын онгоцоор ирсэн 383 хүн, АНУ-аас ирсэн 23 хүний давтан шинжилгээнд коронавирус илрээгүй. Мөн идэвхтэй тандалтыг 15 хүнийг санамсаргүй байдлаар сонгож шинжилгээ хийхэд коронавирус илрээгүй. ХӨСҮТ-д тусгаарлагдсан 17 хүний давтан шинжилгээг хийхэд коронавирус илрээгүй байна. Монголд батлагдсан тохиолдол 287, эдгэрсэн хүн 213, одоо 74 хүн эмчлүүлж байна. Тэдгээрийн биеийн байдлыг үнэлбэл 60 хүн хөнгөн, 14 хүн хүндэвтэр байдалтай байна. ХӨСҮТ-д 107 хүн ажиглалтад байна” хэмээлээ.
