УИХ-ын 2020 оны сонгуулийн өмнө; АН-ын дарга ЖДҮ-чдээ нэр дэвшүүлэхгүй гэж ам гарсан ч хэлсэндээ хүрээгүй. Нэр дэвших 76 нөхрийнхөө 28-ыг ЖДҮ-чдээс сонгосон. Мэдээж анхны олонд ил болсон 40 гаруй ЖДҮ-чдээс заримыг нь хөөж, нөгөө хэсэгтэй нь тохирсон хэрэг.
Тэдгээр тохироо хийгчдийн нэг нь Я.Содбаатар. Тодруулбал МАН-ын ЖДҮ-чдийг тэргүүлэгч дундаас Ерөнхий сайд У.Хүрэлсүхээс хамгийн том албан тушаал авсан нь Я.Содбаатар. Түүний хувьд анх Зам тээврийн хөгжлийн сайд гэх давхар дээлтэй байхдаа ЖДҮ авсан нь нийтэд ил болсон ч ХАРИУЦЛАГА ХҮЛЭЭЖ буй нэрээр сайдын суудлаас буусан. Дараагийн удаа нэр дэвших эрхээсээ татгалзсан. Татгалзах ч гэж дээ. Үнэн хэрэгтээ сайдаас буусан, нэр дэвшээгүй зэрэг нь Я.Содбаатарын хувьд хариуцлага хүлээх бус тохироо хийж, улам илүү дээшлэх наймаагаа хийсэн явдал. Тиймээс МАН-ын ;сонгуулийг удирдаж, ялалт байгуулсан гавьяаг эдэлж Шадар сайд болсон.
Түүнтэй адил ЖДҮ-гээс зээл авсан ;МАН-ын гишүүд тэгэхэд эхнээсээ дээлээ нөмөрч, хуулийн хариуцлага хүлээж байхад мань хүн өсөн дэвшиж байгаа нь заль хэрэглэж буйг нь харуулах биз ээ.
ЖДҮ-чид бүгд л өөрийнх нь хамаарал бүхий аж ахуйн нэгжүүд зээл авсныг мэдээгүй хэмээн мэлзэж байсныг уншигчид санаж буй биз ээ. Мань Я.Содбаатар ч мөн л гүрийж, ;Манай эхнэрийн найзуудтайгаа нийлж байгуулсан аж ахуйн нэгж ЖДҮХ сангаас зээл авсан ;юм билээ. Эхнэр маань тэр компанийн үйл ажиллагаанд оролцохгүй нэлээн удаж байгаа. Эрүүл мэндийн шалтгаантай байгаа учраас аж ахуйн үйл ажиллагаанд оролцохгүй байгаа. Энэ зээлийн талаар авсан аж ахуйн нэгжээс нь би тодруулсан. Тухайн ;ААН сонгон шалгаруулалтад ороод, зээлээ аваад, зориулалтын дагуу ашиглаж, тодорхой ажлын байр бий болгоод байгаа юм билээ хэмээн тайлбарлаж байв. Гэтэл түүнээс өмнө, 2017 оны ХОМ-тээ өнөөх ЖДҮХС-гаас зээл авсан "Эпато анарваан" болон "Ти Эс Эм" компанийнхаа 100 хувийн эзэмшигч гэдгээ тэмдэглэн үлдээсэн байсан
Ердөө л жил хүрэхгүй хугацаанд хоёрын хоёр компаниа мартдаг, олон нийтийг ХОМ-ийг нээгээд үзчих чадваргүй, жилийн өмнөхийг санах ойгүй мэт бодсон Я.Содбаатар өнөөдөр Засгийн газарт Шадар сайдын алба хашиж буй нь ард иргэдээ доромжилж байгаагаас ялгаагүй.
Ингэж доромжилж өнөөг хүрсэн Я.Содбаатар дөнгөж өчигдөрхөн хүртэл УИХ-ын байнгын хороодын хамтарсан хуралдаанд КОВИД-19 халдварын цар тахлаас урьдчилан сэргийлэх чиглэлээр хэрэгжүүлж буй арга хэмжээнүүдийн талаар танилцуулахдаа Хилийн чанадад байгаа иргэдэд туслах сан гэж бий. Энэ сангийн мөнгө дууссан учраас хандивын мөнгөнөөс 300 сая төгрөгийг нэмж өгсөн гэж байна билээ.
Тэгэхээр төсөвлөсөн мөнгөөрөө хэнбугайд тусламж үзүүлсэн хийгээд хандивын мөнгөөр яаж гараа угаах бол гэдэг хардлага ч нийгэмд үүсэж байгаа ЖДҮХС-гаас энгийн иргэдийн боломжийг хулгайлж чадсан хүн энэ удаа гадаадад гацсан иргэдээс харамласан хөрөнгөө ;халааслахгүй гэх баталгаа үгүй л болов уу.Тиймдээ чононд хонь хадгалуулдгийн адил болчихгүйн тул Шадар сайдаас сайтар хамгаалах зүйл нь хандив, тусламжийн сан, дансыг сайтар хянах хэрэгтэй болов уу
Эх сурвалж: Erennews.mn
