ЭМЯ-наас өдөр бүрийн 11:00 цагийн ээлжит мэдээллээ хүргэлээ. Мэдээллийн эхэнд ЭМЯ-ны Тандалт, шуурхай удирдлагын хэлтсийн дарга Д.Нарангэрэл "Дэлхийн 216 оронд коронавирусийн халдвар тархаж, 23 сая 906 мянган хүн өвчилж, 828.4 мянган хүн нас барж, 16.8 сая хүн эдгэрээд байна. Сүүлийн 24 цагийн дотор дэлхий нийтэд 210 мянган хүн шинээр халдвар авч, 4000 гаруй хүн энджээ. Энэтхэг улсад 75 гаруй хүн нэг өдрийн дотор коронавирусийн халдвар авсан нь дэлхийд хамгийн өндөр үзүүлэлт болоод байна.
ОХУ-д 24 цагийн дотор 4676 хүн шинээр халдвар авч, 115 хүн нас барсан байна. Япон улсад 903 хүн халдвар авч, 11 хүн эндсэн. Солонгост 444 хүн халдвар авсан байна. Сөүлийн бүх сургууль, цэцэрлэгийг хааж, сургалтыг цахимаар явуулахаар болсон. Мөн тус улсын өвчний хяналт сэргийлэлтийн төвөөс орон даяар ковид тархах өндөр эрсдэлтэй байна. Тиймээс амны хаалт зүүгээгүй бол торгоно гэж анхааруулсан. Манай улсын 8 иргэн Солонгост коронавирусийн халдвар авсан нь тогтоогдсон. 3 хүн эмнэлэгт хэвтэж, 8 хүн гэртээ тусгаарлагдаж байна. Одоогоор биеийн байдал хөнгөн байгаа" хэмээлээ.
