Тэр өөрт хэрэггүй гэж үзсэн хэнийг ч гээдэг муу талтай буюу Н.Цагаанхүүг мурив. 

        Зувчуулж болох, зээлж болох мөнгө хаана л байна, тэнд Я.Содбаатар явж байдаг хэмээн намын нөхөд нь хэлж байна. Ямартаа УИХ-ын 49 гишүүн ЖДҮ хөгжүүлэх сангаас өөрсдийн хамаарал бүхий ганц, ганц компаниар мөнгө авсан байсан бол Шадар сайд Я.Содбаатар өөрийн хамаарал бүхий " Эпато анарваан , Ти Эс Эм компаниудаар жил дараалан тэрбум тэрбумын зээл авсан байдаг юм. ";Эпато анарваан" компанийхаа нэр дээр авсан зээлийг эргүүлэн төлсөн хэмээн унтууцдаг тэрбээр "Ти Эс Эм"  компанийнхаа зээлийг огт дурсдаггүй. Учир нь түүний эл компанийн нэр дээр гарсан зээл эргэн төлөгдөөгүй гэдгийг эх сурвалжаас өгч байна.
       Суусан газраасаа шороо атгаад босдог тэрбээр Ашигт малтмал, газрын тосны газарт байхаасаа орд газрын лицензүүдийг нааш цааш болгож, Дорноговь аймгийн Айраг сумын нутаг дахь жоншны уурхай, мөнгө, молибден, хөнгөн цагаан, вольфрамаар баян " Мөнгөн-Өндөр" -ийн ордоос ч хагартал баяжсан гэгддэг. Монголын хамаг өнгөтэй, өөдтэй орд газруудын лицензийг эзэмшдэг З.Номундарь гэх япон нөхөртэй эмэгтэйн олон ч лицензийн эрхийг нээж өгсөн гэдэг. Улмаар Мэргэжлийн хяналтын газарт байхдаа ч зүгээр суугаагүй гэж байгаа.
     Мэргэжлийн хяналтынхны авлига, хээл хахуульд идэгдэх эх суурийг тавьсан гэгддэг Тэр яриаг үл баталлаа гэхэд тус газрын үе үеийн дарга нарын суудалд өөрийн үгэнд орох чих зөөлөнтэй, уяа богинотой нөхдөөс тавьсаар ирсэн гэдгийн Мэргэжлийн хяналтын газрынхан хэлж байна. Харин үүнийг батлах мэт өөр нэг мессэжийг МАН-ынхан хэлж байгаа юм. Тэрбээр МХЕГ-ын даргаар Н.Цагаанхүүг томилуулсан ч хүссэнээр нь байж чадаагүй учраас "хөөж"  явуулсан юм байх. Энэчлэн Я.Содбаатар гэж хүний хөл хүрэх газар олон.
   Тэрбээр Зам тээврийн хөгжлийн яамны байранд тус яамны газрын дарга Г-гийн амийг хөнөөсөн Төрийн удирдлагын хэлтсийн дарга Б.Махбалын ялын хэмжээг багасгуулахаар хөөцөлдөж явсан гэдгийг тухайн үеийн хэвлэлүүд бичиж байв. Учир нь Б.Махбал болон Я.Содбаатар, УИХ-ын гишүүн "сахал" хочит Ж.Бат-Эрдэнэ нар уяачдын "Хүй мандал" галын нөхөд бөгөөд Хөшгийн хөндийд тавигдаж буй замын 2 км орчим хэсгийг Я.Содбаатар гишүүний багын найз, Хархорин сумын хүүхдүүд гэгдэх Батбаярынх нь "Заабар" компанид шууд гэрээгээр өгөх ажлыг Б.Махбал гүйцэтгэж байсан гэдэг. Ганц энэ ажил ч биш, замын олон ажлыг "Хүй мандал" галынханд авч өгөх ажлыг тэд хамтдаа амжилттай хийж өгч байсан юм байх.

       Түүнчлэн "Шинэ дэлхий"  телевизийн байрны бүхэл бүтэн 4 давхрыг эзэмшдэг болсон гэх Я.Содбаатар олон удаагийн дэмжлэгийнхээ хариуд УИХ-ын гишүүн асан Н.Номтойбаярын гэр бүлийн гишүүдийн эзэмшлийн "МАК"  компанид Хөгжлийн банкнаас зээл олгуулахад ихээхэн үүрэг гүйцэтгэсэн аж. Ийн хардагдах бүрэн үндэстэй. Учир нь түүний төрсөн ах тус банкны Тамгын газрын дарга Я.Сод-Эрдэнэ бөгөөд Хөгжлийн банкны оффис зарим үед Янгуг гуайн хувийн компани шиг төрөл саднаар нь дүүрчихсэн байдаг гэх жиг жуг тус банкны ажилтнуудын дунд нууц байхаа хэдийнэ больжээ. Төсөл, тендэр дээр ийнхүү төрсөн ах Я.Сод-Эрдэнэ нь тамга атган суудаг бол ЖДҮХС-гийн төслийн мэргэжилтнээр төрсөн дүү Я.Содсоёмбо нь ажилладаг байна. Энгийн нэгэн эх амаржихад илүү олддоггүй мөнгө Шадар сайдын дүү Я.Содсоёмбыг амаржихад тусгай тушаал үйлдэж ирээд л тэтгэмж гаргаж өгдөг гэх бөгөөд холбогдох баримтыг бид үүгээр хүргэж байна

Эх сурвалж: Нийгмийн толь