fbpx Халдвар хамгааллын дэглэмээ “мартсан“ иргэд “Нарантуул“-аар хөлхөж байна
 
Энэ мэдээ хуучирсан буюу 2021/05/25-нд нийтлэгдсэн мэдээ болно.
Ангилал
Нийгэм
Огноо
Унших
9 минут 20 секунд

Халдвар хамгааллын дэглэмээ “мартсан“ иргэд “Нарантуул“-аар хөлхөж байна

Хатуу хөл хориог үе шаттай бууруулж, томоохон худалдааны төв, захууд үүд хаалгаа нээх болсонтой холбогдуулж "Нарантуул" худалдааны төвөөс сурвалжилга бэлтгэлээ.

Cap гаруйн хугацаанд эл хуль байсан худалдааны төв хүний хөл хөдөлгөөнд дарагдсан байв. "Дүнжингарав" худалдааны төв долоо хоног бүрийн Даваа гарагт амардаг тул "Нарантуул"-аар үйлчлүүлэгчдийн тоог өсгөхөд нөлөөлсөн бололтой.

Өмнө нь тус худалдааны төв рүү урд хаалгаар ороход зайгүй чигжсэн автомашин дундуур сүлжиж явахад хүндрэлтэй байдаг байсан бол хөл хорионы өдрүүдэд хашлага, хайс хийсэн нь зорчих хөдөлгөөнийг эмх цэгцтэй болгожээ. Захын төв хаалгаар ороход түм түжигнэж байна. Худалдаачид лангууны ард бараагаа дэлгэн суужээ. Дэлгүүрийн тэргэн дээр ундаа, жигнэмэг, кофе зэрэг бараа өрж. хажуу талаар нь төрөл бүрийн уут багцлан өлгөсөн хүмүүс худалдаачдад цаасан аягатай уух зүйлсээр үйлчилнэ.

Мөн хажуугаар өнгөрөх хүмүүсээс “тор авах уу" хэмээн асуух аж. Түүнчлэн, лангуу хоорондын давчуухан зайд тэрэг түрж, “холдоорой" хэмээн орилон урагшлах залуус, хөөсөнцрөөр хийсэн болхидуухан саванд жимсний чанамлын шилэнд хоол хийж борлуулах эмэгтэйчүүд гээд өмнө нь захын уур амьсгал ямар байсан яг л тэр хэмнэл угтана.

ХАЛДВАР ХАМГААЛЛЫН ДЭГЛЭМ МӨРДӨГДӨХГҮЙ БАЙНА

Цар тахал намжаагүй байгаа. Халдварын тоо өндөр байж, олон хүн уг өвчний улмаас хорвоогийн мөнх бусыг үзүүлсээр байна. Иймд зах дээр худалдаачид, үйлчлүүлэгчид халдвар хамгааллын дэглэмийг хэрхэн мөрдөж байгааг хамгийн эхэнд анзаарсан юм.

Харамсалтай нь маск зүүснээс бусдаар халдвар хамгааллын дэглэмийг сахиулж байгаа зүйл алга.

Захын төв хаалгаар ороход халуун үзэх, гар ариутгах зэрэг халдвар хамгааллын дэглэмээс гадна урьдчилан сэргийлэхтэй холбоотой сэрэмжлүүлэг мэдээлэл ч байсангүй. Дотогш лангуу хоорондын давчуу хэсгээр явахад халдвар хамгааллын дэглэмийн дагуу зай барих боломж алга. Хамгийн гол нь захаар хэсэг явахад маск зүүгээгүй цөөнгүй тохиолдолтой таарсан юм. Хүнд тэргэнд түүртсэн ачигч залуус маскаа тайлаад хаячихаж.

Мөн олон хүний дунд маскгүй чанга чанга инээж, ярилцах хүмүүс ч байв. Цаашлаад хэсэг бүлгээрээ нийлж, модон авдар тойрон хөзөр эргүүлэх хүмүүс тоглоомондоо улайрч, шүлсээ үсчүүлэн орилолдоно. Иргэдийн хувьд ч бараа бүтээгдэхүүн үзэхдээ ихэнх нь бээлий өмсөөгүй аж. Түүнчлэн, хүн хоорондын зай барих, маскаа хамар давуулж бүрэн гүйцэд зүүх, худалдагчтай зайнаас харьцах зэрэг халдвар хамгааллын наад захын дүрмийг биелүүлэх нь ховор байв.

Лангуу тойрч худалдаа хийхэд харьцангуй эрсдэл багатай. Харин цайны газруудаар үйлчлүүлж буй иргэдийн хувьд ихээхэн эрсдэлтэй харагдсан юм. Ихэнх цайны газрын үйлчилгээний заал давчуу зайтай. Энд 1.5-2 метрийн зай барьж суух боломж алга. Бүгд эгнэж суугаад хооллоно. Анхааруулах самбар, гар ариутгагч зэргийг тавьсан ч түүнийг хэрэглэж байгаа хүн харагдсангүй. Товчхондоо, худалдааны төвд халдвар хамгааллын дэглэм мөрдөгдөхгүй байгаа учир иргэд халдвараас сэргийлж, сонор сэрэмжтэй үйлчлүүлэх шаардлагатай нь анзаарагдаж байв.

БОРЛУУЛАЛТ МУУ БАЙНА

Бид бэлэн хувцасны лангуунууд төвлөрсөн хэсгээр очлоо. Ихэвчлэн залуус хувцас сонирхон өмсөх аж. Ихэнх лангуу "Бүх хувцас 10,000, 15,000" гэх зэрэг самбар тавьж, ард нь хувцас өлгөжээ. Эдгээр нь зарж амжаагүй удсан хувцаснууд гэнэ. Зарим нь цас, борооны уснаас болж багахан шарласан аж.

Хүүхдийн хувцасны лангуун дээр очив. Хүүхдийн гадуур хүрэм, гутал зэргийг эс тооцвол бусад хувцасны борлуулалт муу байгаа аж. Худалдагч Б хэмээх 30 орчим насны залуу өглөөнөөс хойш хоёр хослол, гурван хүрэм зарсан байна. Тэрбээр "Борлуулалт тааруухан байна. Хүмүүс зайлшгүй хэрэгцээтэй гэсэн зүйлийг л худалдан авч байна. Худалдан авалт хийж байгаа хүмүүстэй ярилцахад хүүхдээ хөдөө явуулах гээд хувцас авч байна, эсвэл сэлгээ гутал, цамц авахгүй бол өмнөх нь хуучирсан гэх зэргээр хэлдэг. Удахгүй Хүүхдийн баяр болох тул борлуулалт өсөх болов уу гэж найдаж байна. Манай бараа дандаа өмнө нь борлуулж амжаагүй үлдсэн хувцаснууд байгаа. Тийм болохоор үнэ нэмэхгүй, хямдхан өгчихдөг. Өглөөнөөс хойш 100 гаруй мянган төгрөгийн борлуулалт хийлээ" хэмээн ярив.

Түүнчлэн, “Нарантуул" худалдааны төвөөр үйлчлүүлэгчдийн багагүй хэсгийг орон нутгийн иргэд эзэлдэг. Гэвч вакцинаас болж хөдөөний иргэд цөөн байгаа нь борлуулалтад нөлөөлж буйг хэлэв. Хэрэв зорчих хөдөлгөөн чөлөөтэй болоод ирвэл малчид, орон нутгийнхан түүхий эдээ тушаагаад санхүүгийн боломж харьцангуй өндөр болсон үе хэмээн хэлж байлаа.

Цааш гуталны тасгаар оров. Борлуулалт мөн л муу хэмээн худалдаачид хэлж байлаа. Энэ нь ч илт аж. Үргэлжилсэн лангуугаар 20 шахам минут сүлжин явахад гутал сонирхож, өмсөж үзэж байгаа хүнтэй бараг таарсангүй. Мөн хивс, хивсэнцэр, хулдаас, гэр ахуйн бараа, сав суулга тэргүүтэй барааны лангуунуудаар орлоо. Гэр ахуйн жижиг бараа, хүүхдийн тоглоом, ахуйн бараанаас бусад бараа бүтээгдэхүүний борлуулалт тун бага байгааг худалдаачид хэлсэн юм.

Худалдаачин Ж “Хүмүүс мөнгөгүй болсон байна. Манайх төрөл бүрийн сав суулга борлуулдаг. Уг нь зун болоход борлуулалт харьцангуй өсдөг юм. Гэвч өглөөнөөс хойш 10 литрийн ганц сав зарлаа" хэмээн ярив. Харин дугуйн худалдаа эрхлэгч Б чамгүй ажилтай сууж байлаа. Хоёр ч дугуйг сэлбэн засаж, хажуугаар нь 280 мянган төгрөгөөр нэг дугуй худалдаалж орхив. Урин дулаан цаг ирсэнтэй холбоотойгоор дугуйгаа сэлбэн засах, мөн шинэ дугуй авах гэсэн хуүхдууд цөөнгүй байгаа аж.

ҮНЭ ТОГТВОРТОЙ БАЙНА

Ихэнх худалдаачдын хувьд үлдэгдэл бараагаа борлуулж байгааг хэлсэн. Түргэн гүйлгээтэй барааны хувьд эргэлт сайтай. Харин хивс, хулдаас, сав суулга зэрэг бараа борлуулалт багатай байсан учир урд хөршөөс нэмэлт татан авалт төдийлөн хийгээгүй аж. Иймд эдгээр барааны үнэ харьцангуй тогтвортой байгаа гэнэ.

Харин эргэлт сайтай бараа бүтээгдэхүүний хувьд үнэ нь өсжээ. Үүнд хүнсний бүтээгдэхүүн, ахуйн төрөл бүрийн бараа орж байна. Хөл хорионы үед ачаа тээвэрт саатал гарч. тээврийн хөлсийг 30-40 юаниар бодож ачуулдаг байсан ачаа 100 хүртэл юань болж өсчээ. Уг ханшаар зайлшгүй шаардлагатай түргэн муудах хүнс болон манай улсад тасарсан бүтээгдэхүүнүүдийг оруулж ирсэн гэнэ. Улмаар үнэ өсөх нөхцөл бүрдсэн гэдгийг хэлж байсан.

Худалдаачин Б ямар ч байсан зах худалдааны төвүүд ажиллаж эхэлсэн нь сайн. Хөл хорионд орж, борлуулалт ч байхгүй, нэмээд өвчинд нэрвэгдээд сууж байснаас зах дээр гараад зогсож байвал бид бүхний хувьд учиртай. Хүмүүс ажил орлоготой болж байж худалдан авалт хийнэ. Энэ талаас нь төр дэмжээд өгмөөр байна. Үнэтэй брэнд дэлгүүрүүд ямар ч цаг үед орлого тасарна гэсэн зүйл байхгүй. Үйлчлүүлэгчид нь тодорхой шүү дээ. Харин эдийн засаг хямрахад "Нарантуул"-ын худалдаачдад шууд нөлөөлж байна. Тэр тусмаа аяны хэрэгсэл зэрэг удаан борлуулалттай бараа бүр гүйхээ байсан. Хүнс бол зарагдаад л байна. Хүн эхлээд идэх хэрэгтэй шүү дээ. Нэгэнт үр дүнгээ өгөхгүй хөл хориогоо болиод одоо хүмүүсээ бодсон ажил хийгээч гээд дамжуулаад өгөөрэй, тэр томчуудад" хэмээн ярьсан юм.

Эх сурвалж: Өдрийн сонин

Зургаан дэд төвийг 10 болгож нэмэгдүүлэх Хотын даргын санаачилгыг Ерөнхий сайд дэмжлээ
Зургаан дэд төвийг 10 болгож нэмэгдүүлэх Хотын даргын санаачилгыг Ерөнхий сайд дэмжлээ
 
Ажиглагч бүртгүүлэх, үнэмлэх олгох
Ажиглагч бүртгүүлэх, үнэмлэх олгох
Энэ мэдээ хуучирсан буюу 2021/05/25-нд нийтлэгдсэн мэдээ болно.

Шинэ мэдээ

Ажиглагч бүртгүүлэх, үнэмлэх олгох

Ажиглагч бүртгүүлэх, үнэмлэх олгох

Хаврын чуулганаар авлигын эсрэг ямар хуулиуд батлах вэ?

Хаврын чуулганаар авлигын эсрэг ямар хуулиуд батлах вэ?

Израилийн цэргүүд тусламжийн бараа авахаар бөөгнөрсөн палестинчууд руу гал нээсний улмаас 104 хүн алагдав

Израилийн цэргүүд тусламжийн бараа авахаар бөөгнөрсөн палестинчууд руу гал нээсний улмаас 104 хүн алагдав

Баянхонгор аймгийн төвд цэцэрлэгийн нам даралтын хийн зуух дэлбэрсний улмаас байшин бүхэлдээ нурж, галч нь амиа алджээ

Баянхонгор аймгийн төвд цэцэрлэгийн нам даралтын хийн зуух дэлбэрсний улмаас байшин бүхэлдээ нурж, галч нь амиа алджээ

В.Зеленский: Бид хүйтэн бөгөөд ойлгомжгүй нөхцөл байдал хүсэхгүй байна

В.Зеленский: Бид хүйтэн бөгөөд ойлгомжгүй нөхцөл байдал хүсэхгүй байна

Монголд зочлох жилийн онцлох эвентүүд

Монголд зочлох жилийн онцлох эвентүүд

ОЮУТАН ЦЭРГИЙН БҮРТГЭЛ 2024 ОНЫ 3 ДУГААР САРЫН 1-НИЙ ӨДРӨӨС ЭХЭЛНЭ

ОЮУТАН ЦЭРГИЙН БҮРТГЭЛ 2024 ОНЫ 3 ДУГААР САРЫН 1-НИЙ ӨДРӨӨС ЭХЭЛНЭ

Алексей Навальныйг маргааш Москва хотод оршуулна

Алексей Навальныйг маргааш Москва хотод оршуулна

Украины дайнд Буриад, Тува, Халимаг үндэстнүүд хамгийн их хохирол амссаныг судлаачид тогтоожээ

Украины дайнд Буриад, Тува, Халимаг үндэстнүүд хамгийн их хохирол амссаныг судлаачид тогтоожээ

Х.Нямбаатар: Зорчиж буй хүний толгойг тоолдог системийг бүх автобусанд ирэх сарын 15-наас суурилуулна

Х.Нямбаатар: Зорчиж буй хүний толгойг тоолдог системийг бүх автобусанд ирэх сарын 15-наас суурилуулна

Дубай хотод “нисдэг хүмүүс”-ийн анхны уралдаан зохион байгуулагджээ

Дубай хотод “нисдэг хүмүүс”-ийн анхны уралдаан зохион байгуулагджээ

Улаанбаатарт метро барих төслийн Зөвлөх үйлчилгээний тендерийг өнөөдөр зарлахаар болжээ

Улаанбаатарт метро барих төслийн Зөвлөх үйлчилгээний тендерийг өнөөдөр зарлахаар болжээ

Молдоваас салан тусгаарласан бүс нутаг ОХУ-аас “хамгаалалт” хүсэв

Молдоваас салан тусгаарласан бүс нутаг ОХУ-аас “хамгаалалт” хүсэв

Монгол Улсад хоёрдугаар сарын 29-нд төрсөн 2,302 иргэн байна

Монгол Улсад хоёрдугаар сарын 29-нд төрсөн 2,302 иргэн байна

Зуд хэдий болтол давагдашгүй хүчин зүйл байх юм бэ

Зуд хэдий болтол давагдашгүй хүчин зүйл байх юм бэ

УИХ-ын 2024 оны сонгуулиар улс төрийн намуудын “гал тогоо”-г барих генсекүүд

УИХ-ын 2024 оны сонгуулиар улс төрийн намуудын “гал тогоо”-г барих генсекүүд

Голомт банк “МОНХОРУС Интернэшнл” ХХК-тай хамтарсан ногоон зээлийн бүтээгдэхүүнийг нэвтрүүллээ

Голомт банк “МОНХОРУС Интернэшнл” ХХК-тай хамтарсан ногоон зээлийн бүтээгдэхүүнийг нэвтрүүллээ

“Парис 2024” олимпын аюулгүй байдлын төлөвлөгөөг хулгайлжээ

“Парис 2024” олимпын аюулгүй байдлын төлөвлөгөөг хулгайлжээ

Ш.Алтангадас: Бусдын дуу, бичлэгийг зөвшөөрөлгүй түгээхэд 1-6 сар зорчих эрх хязгаарлах хүртэл ял шийтгэлтэй

Ш.Алтангадас: Бусдын дуу, бичлэгийг зөвшөөрөлгүй түгээхэд 1-6 сар зорчих эрх хязгаарлах хүртэл ял шийтгэлтэй

Ерөнхийлөгч Байден Украины дайнд Америкийн цэргүүдийг оролцуулахын эсрэг байгаа гэв

Ерөнхийлөгч Байден Украины дайнд Америкийн цэргүүдийг оролцуулахын эсрэг байгаа гэв

2024 оны элсэлтийн ерөнхий шалгалтын хуваарь гарлаа

2024 оны элсэлтийн ерөнхий шалгалтын хуваарь гарлаа

П.Сайнзориг: Богдхан уулын хилийн цэстэй холбоотой маргааныг эцэслэж, тодорхой газрыг нийслэлд шилжүүлж байгаа

П.Сайнзориг: Богдхан уулын хилийн цэстэй холбоотой маргааныг эцэслэж, тодорхой газрыг нийслэлд шилжүүлж байгаа

Олон жил эрэн сурвалжлагдаж байсан Улаан Армийн эмэгтэй гишүүнийг Германы цагдаа нар баривчилжээ

Олон жил эрэн сурвалжлагдаж байсан Улаан Армийн эмэгтэй гишүүнийг Германы цагдаа нар баривчилжээ

Төв банкнуудын холбооны дээд түвшний хурал боллоо

Төв банкнуудын холбооны дээд түвшний хурал боллоо

Гуравдугаар сард цахилгаан тоноглолд засвар хийх ХУВААРЬ

Гуравдугаар сард цахилгаан тоноглолд засвар хийх ХУВААРЬ

Л.Энхболд: Орон нутгийн Таван толгойд дахин луйвар гарахыг үгүйсгэхээргүй болж байна

Л.Энхболд: Орон нутгийн Таван толгойд дахин луйвар гарахыг үгүйсгэхээргүй болж байна

АНУ тэргүүтэй 10 улс 6G технологи хөгжүүлэлтийн үндсэн зарчмуудыг тохиролцохоор нэгджээ

АНУ тэргүүтэй 10 улс 6G технологи хөгжүүлэлтийн үндсэн зарчмуудыг тохиролцохоор нэгджээ

Ирэх сард сонсгол хийхээр иргэдээс эмийн үнэ, чанарын талаар мэдээлэл авч байна

Ирэх сард сонсгол хийхээр иргэдээс эмийн үнэ, чанарын талаар мэдээлэл авч байна

Жижиг намуудын жагсаалт “босго” давбал хамгийн түрүүнд УИХ-д орох улстөрчид

Жижиг намуудын жагсаалт “босго” давбал хамгийн түрүүнд УИХ-д орох улстөрчид

Монголын эрх баригчдын гаргадаг хоёр нүүр тав алхалгүй тар нь танигддаг болжээ

Монголын эрх баригчдын гаргадаг хоёр нүүр тав алхалгүй тар нь танигддаг болжээ

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​