fbpx ХХБ-НААС 2 САЯ ДОЛЛАР ЗАЛИЛСАН ХЭРГИЙН НОЦТОЙ "ФАКТ"-УУД
 
Энэ мэдээ хуучирсан буюу 2021/05/31-нд нийтлэгдсэн мэдээ болно.
Ангилал
Нийгэм
Хэзээ
2021/05/31
Унших
4 минут 48 секунд

ХХБ-НААС 2 САЯ ДОЛЛАР ЗАЛИЛСАН ХЭРГИЙН НОЦТОЙ “ФАКТ“-УУД

Монголын томоохон арилжааны банкийг залилан 2 сая ам.доллар бэлнээр гаргуулан авсан кино шиг явдал олон нийтийн анхаарлын төвд байна. Цагдаагийн байгууллага 4 хүнийг эрэн сурвалжлаад 3-ыг нь баривчилсан бол одоо нэг сэжигтнийг эрэн сурвалжилсаар байна.

Худалдаа хөгжлийн банкны ШангриЛа дахь салбараас энэ сарын 25-ны өдөр нэгэн эмэгтэй бэлнээр 2 сая ам.доллар гаргуулан авсан байдаг. Үүний дараа банкны зүгээс нягтлан шалгахад хуурамч бичиг баримт ашигласан нь тогтоогдсоноор цагдаад дуудлага өгчээ. Уг хэрэгтэй холбоотой ноцтой мэдээллүүд ил болоод байна. Тиймээс эдгээр мэдээллээс онцлон хүргэе.

  • Хэргийг шалгаж байгаа цагдаа нар гэмт хэргийн бүлэглэлийг эхнээс илрүүлж, заримыг нь саатуулж, 1.2 сая ам.долларыг нь олоод байгаа юм. 1.1 сая ам.долларыг тэдний хамаарал бүхий автомашинаас олсон байна. Харин 800 орчим сая төгрөгийг нь гурван этгээдийн орогнож байсан орон сууцны байрнаас олжээ.
  • Одоогоор хуурамч бичиг баримт бүрдүүлэн залилсан энэ хэрэгт арав гаруй хүнийг холбогдуулан шалгаж, заримыг нь эрэн сурвалжилж байна. Мөн эдгээр хүмүүсийн дотор төрийн албан хаагч ч байгаа бололтой.
  • Хэрэгтнүүдийн нэг нь Хаан банкнаас 1.4 тэрбум төгрөг залилсан гэмт хэрэгт шалгагдаж байгаа Б.Бямбадорж. Тэрээр 2019 онд Хаан банкнаас итгэмжлэх ашиглан, БНХАУ-ын иргэний данснаас 1.3 тэрбум төгрөг залилсан. Өнгөрсөн жил “Баян айраг эксплорэйшн” ХХК-ийн бичиг баримтыг хуурамчаар үйлдэж 100 орчим сая төгрөгийг мөн л банкнаас залилж, саатуулагдаад байсан юм. Шүүхээс түүнийг батлан даалтад гаргасан байсан бөгөөд тэрбээр залилангийн хэргээр шалгагдаж байхдаа дахин гэмт хэрэг үйлджээ.
  • Банкны ажилтнууд: -"Эрдэнэ лайт” гэх компанийн итгэмжлэгдсэн төлөөлөгч гээд нэр бүхий хүмүүс манай салбар дээр ирсэн. Тэдний бүрдүүлсэн материал хуулийн хүрээнд хийгдсэн, бичиг баримтын хувьд бүрэн байсан. Ямар нэгэн сэжигтэй, хуурамч тамга тэмдэг ашигласан зүйл огт ажиглагдаагүй. Иймээс тэдний хүсэлтийг хүлээж авсан. Ингээд энэ сарын 25-ны өдөр хоёр сая ам.долларыг бэлдсэн. Валютын зузаатгал хийж, мягмар гарагийн 15:00 цагт тэдэнд өгсөн. Ингэхдээ итгэмждэгдсэн төлөөлөгч хэмээх өөр хүмүүс ирж валют авсан” гэх утга бүхий мэдүүлэг өгчээ.
  • Хулдалдаа хөгжлийн банкны төв салбараас эхлээд “Шангрила” салбарынхан гэмт хэрэгтнүүдтэй үгсэн тохиролцсон байж болзошгүй нөхцөл байдал үүсээд байгаа гэнэ.
  • Гэмт хэрэгтнүүд эхлээд банкны нууц мэдээллийг олж авдаг. Ингэхдээ банканд байршуулаад авалгүй олон жил болж байгаа, ямар нэгэн гүйлгээ хийгдэхгүй мөнгө нь хадгалагдаж байгаа компаниудыг судалдаг. Эзэд нь ямар хүмүүс байдаг, тэр тусмаа гадаад хөрөнгө оруулаллтай, эзэд нь Монголд байхгүй компаниудын талаар материал цуглуулдаг гэнэ. Дээрх мэдээллүүдийг авахдаа банкны эрх мэдэл бүхий албан тушаалтай хүмүүстэй холбогдож, өөрсдийнхөө бүлэглэлд элсүүлдэг. Мэдээллийг тодорхой үнээр худалдан авдаг байх магадлал ч өндөр байгаа гэнэ.
  • “Эрдэнэ лайт” гэх компанийн дансанд 2 сая ам.доллар хадгалаатай олон жил болсон. Компанийн эзэн нь нас барсан зэрийг гэмт хэрэгтнүүд өөрсдийнхөө шугамаар мэдэж авсан бололтой. Үүний дараа компанийн бичиг баримт, гарын үсэг, тамга, тэмдэг зэргийг судалсан байж болзошгүй байгаа аж. Ингээд хуурамчаар тамга тэмдэг хийж, албан бичиг хүртэл үйлдсэн бололтой. Үүний дараа банкныхантай үгсэн тохиролцсон байхыг үгүйсгэх аргагүй юм. Тэд банкнаас мөнгө авахад ямар бичиг баримт бүрдүүлдэг, итгэмжлэгдсэн төлөөлөгч болохын тулд юугаар баталгаажуулалт хийгдсэн байх ёстой вэ зэрэг нарийн мэдээлэлтэй байжээ. Өөрөөр хэлбэл, бичиг баримтын хувьд ямар ч асуудалгүйгээр зохицуулах ёстой гэдгийг тэд сайн мэдэж байсан гэсэн үг. Ингээд хүсэлтээ өгч, банкнаас гүйлгээгээ бэлнээр гаргуулж авчээ.

Эх сурвалж: shuurhai.mn

2025 он гэхэд гэр хорооллын газрыг дахин төлөвлөн барилгажуулах төслөөр 20,000 орон сууц барьж, ашиглалтад оруулна
Н.Байгалмаагийн ээж Ж.НОРЖМАА: Талийгаачийн үхэл “Гадны нөлөөтэй байж магадгүй” гэсэн
Энэ мэдээ хуучирсан буюу 2021/05/31-нд нийтлэгдсэн мэдээ болно.

Шинэ мэдээ