Өнөөдөр (2021.06.03) Цагдаагийн Ерөнхий Газраас нийгэмд дэгдээд буй зарим асуудлуудтай холбоотой мэдээлэл өглөө. ЦЕГ-ын хэвлэл мэдээллийн албаны дарга, хурандаа Б.Баатархүү: "Иргэн Г.Ган-Очирыг эрэн сурвалжилж байгаа нь үнэн.
Энэ хүн цахим орчинд сонгуулийн санал авах машинтай холбоотой мэдээллүүдийг, гэмт хэргийн шинжтэй мэдээллүүдийг ярьсан. Та бүхэн харсан байх. Энэ асуудлуудыг нь цагдаагийн байгууллага шалгалт хийе гэхээр өөрөө зугтаад алга болчихсон байгаа.
Хэвлэл мэдээллийн хэрэгслээр гарсан гэмт хэргийн шинжтэй зүйлийг цагдаагийн байгууллага шалгадаг. Гэтэл сонгуулийн сурталчилгаа явагдаж байгаа, сонгуулийн жилд ийм гэмт хэргийн шинжтэй зүйл ярьчихаад, энэ ярьсан зүйлийнх нь талаар албан ёсоор шалгая гэхээр өөрөө олдохгүй, алга болчихоод байгаа. Энэ хүнийг цагдаагийн байгууллага эрэн сурвалжилж байна. Худал мэдээлэл тараасан, бусдыг залилсан байж болзошгүй асуудлуудаар. Үүн дээр иргэд та бүхэн уг Г.Ган-Очир гэж этгээдийн байгаа газрын талаар мэдэж байгаа бол цагдаагийн байгууллагатай хамтран ажиллана уу." гэв.
С.Сарнай