fbpx Г.Ёндон: Зах зээлийн ханшаа дагаад шатахууны үнэ нэмэгдэнэ
 
Энэ мэдээ хуучирсан буюу 2021/06/25-нд нийтлэгдсэн мэдээ болно.
Ангилал
Эдийн засаг
Хэзээ
2021/06/25
Унших
1 минут 18 секунд

Г.Ёндон: Зах зээлийн ханшаа дагаад шатахууны үнэ нэмэгдэнэ

УИХ-ын чуулганы өчигдрийн хуралдаанаар Цар тахлын эсрэг хуулийг сунгах тухай асуудлыг хэлэлцсэн. Энэ үеэр Уул уурхай, хүнд үйлдвэрийн сайд Г.Ёндон шатахууны үнийн талаар дараах мэдээллийг өглөө.

Тэрбээр “Иргэдийн өргөн хэрэглэдэг шатахуун бол А92 бензин. 2020 оны тавдугаар сараас хойш А92 бензины үнийг 1,450 төгрөгийн түвшинд барьж байсан. Энэ оны нэгдүгээр сараас хойш шатахууны үнэ тогтмол өсөж ирсэн. Үүнийг дагаад нэг, хоёрдугаар сараас эхлэн компаниуд алдагдалтай ажиллаж байгаа.

Гэхдээ тухайн үед компаниудтай вакцинжуулалт 60 хувьд хүрэх хүртэл шатахууны үнийг барих талаар хэлцэл хийсэн. Энэ хугацаанд сар болгоны төгсгөлд компаниудын алдагдлыг тооцоод явж байгаа. Вакцинжуулалт дуусаад, эдийн засаг сэргээд эхэлмэгц шахахууны үнийг аажмаар нэмэх арга хэмжээ авсан. Мөн шатахууны нөөцийг 30 мянган тонноор нэмэгдүүлэх арга хэмжээг авч ажиллаж байна.

Вакцинжуулалт амжилттай явж дуусах гэж байгаа учраас зах зээлийн ханшаа дагаад шатахууны үнэ нэмэгдэнэ" гэв.

2025 он гэхэд гэр хорооллын газрыг дахин төлөвлөн барилгажуулах төслөөр 20,000 орон сууц барьж, ашиглалтад оруулна
Д.Сумъяабазар: Өнөөдрөөс ресторан, зоогийн газрууд хоёр тундаа хамрагдаад 14 хоночихсон хүмүүст үйлчилж болно
Энэ мэдээ хуучирсан буюу 2021/06/25-нд нийтлэгдсэн мэдээ болно.

Шинэ мэдээ