Цар тахлын үед улсын их баяр наадмыг тэмдэглэж, морин уралдаан зохион байгуулахаар болсон Засгийн газрын шийдвэрийг "Лантуун дохио" ТББ эсэргүүцэн Захиргааны хэргийн анхан шатны шүүхэд нэхэмжлэл гаргажээ.

“Лантуун дохио” ТББ нэхэмжлэлдээ Монгол Улсын Засгийн газарт холбогдуулан гаргасан “Засгийн газрын 2021 оны 6 дугаар сарын 23-ны өдрийн 171 дүгээр тогтоолын 2 дахь заалтын “Хурдан морины уралдаан” гэх хэсэг, 3 дахь заалтыг бүхэлд нь хүчингүй болгуулах” шаардлага тавьсан байна.

Шүүхээс өнөөдөр уг нэхэмжлэлд захиргааны хэрэг үүсгэж, хэрэг хянан шийдвэрлэх ажиллагаа явуулж байгаа бөгөөд нэхэмжлэгчээс “Захиргааны актын биелэлтийг түдгэлзүүлэх” хүсэлт гаргасныг 2021 оны 07 дугаар сарын 06-ны өдөр хэлэлцэхээр урьдчилсан хэлэлцүүлэг товложээ.

Эх сурвалж: shuurhai.mn