fbpx Москвад "Спутник V" вакциныг өсвөр насны хүүхдүүдэд туршиж эхэлжээ
 
Энэ мэдээ хуучирсан буюу 2021/07/06-нд нийтлэгдсэн мэдээ болно.
Ангилал
Дэлхий дахинд
Хэзээ
2021/07/06
Унших
1 минут 13 секунд

Москвад “Спутник V” вакциныг өсвөр насны хүүхдүүдэд туршиж эхэлжээ

МОСКВА. /RT/. ОХУ-ын нийслэл Москва хотод “Спутник V" вакциныг өсвөр насны хүүхдүүдэд турших ажлыг эхлүүлсэн тухай хотын даргын нийгмийн хөгжлийн асуудал хариуцсан орлогч Анастасия Ракова сэтгүүлчдэд мэдээлжээ.

"Н.Ф.Гамалеян нэрэмжит төвтэй хамтран бид 12-17 насны хүүхдүүдийн дунд “Спутник V" вакцины эмнэлзүйн судалгааг эхлүүллээ. Одоо туршилтын эхний болон хоёр дахь үе шат Москва хотын хүүхдийн хоёр эмнэлэгт явагдана" гэж тэрбээр мэдээлсэн байна.

Туршилтад сайн дураар оролцох эхний 100 хүүхдийг эрүүл мэндийн үзлэгт хамруулж эхэлсэн байна. Тэднээс мөн PCR-ийн шинжилгээ авах аж.

Судалгаа эхэлсэн өдрөөсөө хойш нэг жил үргэлжилнэ. Хүүхдүүдэд вакциныг хийхдээ насанд хүрэгчдээс бага тунгаар тарих аж. Вакцин хийлгэсний дараа өсвөр насныхан эмч нарын байнгын хяналтад байх бөгөөд эхний болон хоёр дахь тунг тарьсны дараа Москвагийн эмнэлгүүдэд тусгаарлаж, үзлэг шинжилгээнд хамруулах юм байна.

Д.Жаргал

Эх сурвалж: Монцамэ агентлаг

Голомт банк ирээдүйн банкируудыг бэлтгэх “Young Banker-2021” хөтөлбөр зарлалаа
ТӨРИЙН БАНК БҮХ ТӨРЛИЙН ОРОН СУУЦНЫ ЗЭЭЛИЙН ТӨЛБӨР ХОЙШЛУУЛАХ ХҮСЭЛТИЙГ ЦАХИМААР АВЧ БАЙНА
Энэ мэдээ хуучирсан буюу 2021/07/06-нд нийтлэгдсэн мэдээ болно.

Шинэ мэдээ