Энэ онд Улаанбаатарын гэр хорооллын 16 байршилд тохижилт, ногоон байгууламж бүхий бичил цэцэрлэгт хүрээлэн байгуулах зургийг гаргажээ.
Тодруулбал, таван дүүрэгт буюу Баянгол дүүрэгт 2, Хан-Уулд 3, Баянзүрх дүүрэгт 5, Сонгинохайрханд 5, Багануур дүүрэгт нэг байршилд цэцэрлэгт хүрээлэн байгуулах юм байна. Тохижилт хийгдэх талбайн хэмжээ хамгийн бага нь 200м.кв бол хамгийн их нь 8,000 м.кв.
- Баянгол дүүргийн 22 дугаар хорооны Зүүн нарангийн 13 дугаар гудамж 527 м.кв
- Баянгол дүүргийн 10 дугаар хорооны Зүүн нарангийн 11 дүгээр гудамж 1,585 м.кв
- Хан-Уул дүүргийн 16 дугаар хорооны Буянт-Ухаа 25 дугаар гудамж 3,000 м.кв
- Хан-Уул дүүргийн 12 дугаар хорооны Хайрханы 8 дугаар хэсгийн тохижилт 1,500 м.кв
- Хан-Уул дүүргийн 12 дугаар хорооны Амралтын 5 дугаар хэсэг 400м.кв
- Баянзүрх дүүргийн 34 дүгээр хорооны Ээж хайрхан 7-р гудамж 580м.кв
- Баянзүрх дүүргийн 10 дугаар хорооны Цагдаагийн хангамжийн газрын орчимд 200м.кв
- Баянзүрх дүүргийн 28 дугаар хорооны Хужирбулан 4 дүгээр хэсэг 1,200м.кв
- Баянзүрх дүүргийн 16 дугаар хорооны Хужирбулан 4 дүгээр хэсэг 61 тоотын хойд талд 1,020м.кв
- Баянзүрх дүүргийн 31 дүгээр хорооны Монел уулын 32 дугаар гудамж 879м.кв
- Сонгинохайрхан дүүргийн 25 дугаар хорооны Хайрхан 7 дугаар гудамж 1,000м.кв
- Сонгинохайрхан дүүргийн 2 дугаар хорооны 2 дугаар гудамж тохижилт 200м.кв
- Сонгинохайрхан дүүргийн 33 дугаар хорооны 122 дугаар сургуулийн урд талд 8,000 м.кв
- Сонгинохайрхан дүүргийн 24 дугаар хорооны Бумбатын ам 1,000м.кв
- Сонгинохайрхан дүүргийн 33 дугаар хорооны Тахилтын эцэст 14 дүгээр гудамжинд 2,100м.кв
- Багануур дүүргийн 3 дугаар хорооны Хилчин хэсэг 1,800 м.кв.
УБЗАА-ны Дугуйн ба явган хүний зам, тохижилтын хэлтсийн дарга Г.Билгүүн "Энэ жилийн хувьд гэр хорооллын 16 байршилд бичил цэцэрлэгт хүрээлэн байгуулахаар төлөвлөж байна. Хотын ногоон байгууламжийг нэмэгдүүлэх хүрээнд ирэх жилүүдэд энэ тоо нэмэгдээд явна" гэв.
Бичил цэцэрлэгт хүрээлэн байгуулах байршлууд
