Монгол Улсын аварга О.Хангай эерэг хандлага-эрүүл нийгэм аянд нэгджээ. Энэ талаарх мэдээлэл Биеийн тамир, спортын хорооны албан ёсны цахим хуудсанд нийтлэгдсэн байна.
О.Хангай "Хүний амьдралын цаг хугацаа бүрд эрүүл хоол идэж, сайхан хувцаслаж, хорт зуршлаас хол биеэ зөв авч явах ёстой гэж боддог.
Архи, тамхины хэрэглээ, буруу хооллолт, хөдөлгөөний дутагдлаас иргэн бүр татгалзаж, эрүүл, зөв амьдралд хэвшиж дадацгаая.
Эерэг хандлага-эрүүл нийгэмд би ч бас нэгдэж байна" гэв.
Олимп нийтийн биеийн тамир спорт үндэсний хороо, Биеийн тамир спортын улсын хороо хамтран “Эерэг хандлага- Эрүүл нийгэм” үндэсний хэмжээний аяныг дөрөвдүгээр сарын 1-нээс эхлүүлсэн. Ингэхдээ эерэг хүн байх, эрүүл нийгмийг бүтээх нь байгалиа хайрлах, эрүүл хэрэглээ, эерэг иргэн байхтай салшгүй холбоотой гэж үзжээ.
Түүнчлэн нэг удаагийн хуванцар эд зүйлийн хэрэглээнээс татгалзах, дахин цэнэглэдэг зай ашиглаж хэвшихийг уриаллаа.
