Сар шинийн баярыг  өөрийн үйлдвэрлэсэн хэвийн боовны өнгөөр  тодорхойлж хэрэглэгчдэд  30 гаруй жил  сэтгэл ханамжийг өгч байгаа хүнсний  манлай үйлдвэр “Талх чихэр” компани өнөөдөр хэвийн боовны нээлтээ хийлээ. Үүсгэн  байгуулагдсан цагаасаа хойш хэрэглэгчдэд  чанартай бүтээгдэхүүнийг тасралтгүй хүргэж ирсэн тус  хүнсний үйлдвэр нь салбартаа  үргэлж анхдагч байсаар ирсэн.  Энэ  үүднээс сүүлийн 20 гаруй  жил хүний биед сөрөг нөлөөгүй олон  улсын стандартад нийцсэн далдуу модны тосоор цагаан сарын тавгийн идээний  боовыг  чанаж ирсэн байдаг.  

Мөн  хэвийн боовны  гол  орц шар тосыг 21 аймгийн малчдын гар дээрээс шууд худалдан авч өөрийн итгэмжлэгдсэн лабораторид шинжилгээнд  оруулж шаардлага хангасан тохиолдолд нэрийн брэнд болох Атар, Түмэннасан хэвийн боовны  гол түүхий эдэд оруулдаг байна. Энэ ч үүднээс  хэрэглэгчдийн гар дээр хүнсний аюулгүй байдлыг бүрэн хангасан шар тосонд багсарсан хэвийн боов хүрдэг байна.

“Атар”, “Түмэннасан” хэвийн боовнууд нь Улаанбаатарт  байгаа нэрийн барааны цэгүүд болох  Хар хорин худалдааны төв,  Хүчит шонхор, Драгон, Барс,  Бөмбөгөр худалдааны төв зэрэг  нийтдээ 12  цэгүүдэд борлуулагдах юм байна. Урвуулагч хэмээх шороон гахай  жилд “Талх чихэр” компани нь “Ёстой Монгол” уриан дор сар шинийн баярыг бэлгэдэж чанарын үнэлэмжийг агуулсан  бүтээгдэхүүнүүдээ хэрэглэгчдэд хүргэхээр болжээ.