Хөрөнгийн зах зээлд хамгийн бодитой өөрчлөлт 2016 оноос хойш гарч байгаа гэдгийг салбарынхан нь хэлдэг. Нэг үгээр Санхүүгийн зохицуулах хороог самарсан бус харин сайн үзүүлэлтээр залж яваа нэгэн бол С.Даваасүрэн дарга юм. Гэтэл сүүлийн үед СЗХ-ны дарга С.Даваасүрэнгийн ажилд нь бус суудалд нь санаархсан бүлэг этгээдийн гүтгэж гүжирдсэн мэдээлэл зарим хэвлэлийн зар сурталчилгааны /төлбөрт нүүр/ нүүрийг эзлэх болов.
Үүнтэй холбогдуулан СЗХ-ын дарга С.Даваасүрэн "Банкнаас бусад санхүүгийн салбар болох үнэт цаас, даатгал, бичил санхүүгийн зах зээлд сүүмэлзэх төдий ч атугай ГЭРЭЛ ГЭГЭЭ оруулах гэж сүүлийн гурван жилд хичээн, чармайж ажиллаж байна. Эрх бүхий байгууллагуудад удаа дараа МАТААС бичиж, ӨРГӨХ БИЧИГ өгдөг, хэвлэл мэдээллийн хэрэгсэл, сошиалаар зохион байгуулалттай, төлбөртэй дайрдаг, гүтгэдэг байдал ХЭРЭЭС ХЭТЭРЧ байна. Төрийн ажил, алба хашиж байгаа хүн шүүмжлэлд өртөх, төрийн албан хаагчдад ажил сайжруулах, ажлын төлөө гэсэн шаардлага тавих нь зүйн хэрэг боловч ЗӨВХӨН хувийн эрх ашгаа хангахын төлөө албан тушаал хөөцөлдөж ИЙМ ЗҮЙЛ хийдэг нь даан ч харамсалтай! Төрийн ажлыг цөөнхийн биш, олны эрх ашгийн төлөө, зарчмын дагуу, хуулийн хүрээнд хийсний төлөө шахан гаргах, мохоох, элдэв нэр хаяг оноох нь энэ цагийн өнгө, төрх юм уу" хэмээн өөрийн фэйсбүүк хуудаснаа болон жиргээндээ бичжээ.
