Л.Оюун-Эрдэнэ сайд аа, “Матар”-ын нулимс унагаж байсан Т.Батсүх захирал болчихож
Өнгөрсөн наймдугаар сард ажлаасаа хууль бусаар халагдсан хэмээн матрын нулимс унагаж байсан МАА-н Эрдэм шинжилгээний хүрээлэнгийн захирал Т.Батсүх гэгч этгээд албан тушаалдаа эргэн томилогджээ.
Тодруулбал, тэрбээр ажлаасаа халагдсан даруйдаа шүүхэд гомдол гаргаж байсан юм. Тэгвэл түүний гомдлыг шүүх өнгөрсөн сарын 29-ны өдөр хэлэлцээд түүнийг хууль бусаар ажлаасаа чөлөөлөгдсөн хэмээн үзэж ажилд нь буцаан томилох, ажилгүй байсан хугацааны нөхөн олговор буюу 51 хоногийн ажлын хөлс 7 сая 342 мянга 590 төгрөг олгох шийдвэрийг тус тус гаргаснаар тэрбээр ийнхүү эргэж захирлынхаа суудалд заларчээ. Уг нь түүнийг салбар яамны сайд нь хүрээлэнгийн нэр дээр бүртгэлтэй “3303 УБВ” дугаартай автомашиныг амин хувьдаа ашигласан хэмээн албан тушаалаас нь чөлөөлөх шийдвэрийг гаргаж байв.
Гэтэл тэрбээр энэхүү шийдвэр гарсны дараа асуудлыг өөр тийш нь эргүүлж олон нийтийн тархийг хангалттай угааж нөхцөл байдлыг өөртөө ашигтайгаар эргүүлж хохирогчийн дүрд тоглож шүүхийн шийдвэр гаргахад ч нөлөөлж чаджээ. Тэрбээр хэвлэл мэдээллийн хэрэгслээр өөрийнх нь оронд томилогдсон доктор М.Найданхүүгийн аав Минжигдорж болон үе үеийн захирлуудыг Эрдэм шинжилгээний хүрээлэнгийн газрыг хувьдаа авсан хэмээн зарлаж тэднийг муухай харагдуулах ажлыг хангалттай хийсэн юм.
Тэгвэл шүүхийн шийдвэр гарсантай холбогдуулан, МААЭШХ-ийн захирал асан М.Найданхүү өөрийн фэйбүүк хуудаснаа дараах мэдээлэлүүдийг оруулжээ.
Түүний оруулсан пост нь хууль хяналтынханы анхаарлыг татах нэлээн ноцтой зүйлүүд байв. Хэрвээ энэ асуудал үнэн бол Т.Батсүх нартай холбоотой хөрөнгө мөнгө идэж шамшигдуулсан, эрдэмтдийн эрх ашгийг илт зөрчсөн, хавчсан, ажлаас хууль бусаар халсан, бэлгийн дарамт учруулсан, өөрийн ферм дээр зарцалсан гэх мэт олон асуудлууд байдаг тухайг хуулийнхан анхааралдаа авах нь зүйн хэрэг болов уу. Мөн ХХААХҮЯ, БСШУСЯ, ШУТС, гадаад орнуудын Монголд төсөл хэрэгжүүлэгч байгууллагуудтай холбоотой мөнгө идсэн, хөрөнгө хулгайлсан олон олон гэмт хэргүүд бүлэглэн үйлдсэнийг хүн бүр ярьдаг, мэддэг гэснийг ч шалгах ёстой. Ийм л но-той нөхөр матрын нулимс унаган байж хуучин албан тушаалдаа томилогдсон нь энэ суудал ямар их үнэ цэнэтэй албан тушаал вэ гэдгийг харуулав. Уг нь мань хүн төсвийн мөнгө харж амьдраад байх нэгэн биш. Тэрбээр Хөдөө аж ахуйн яаманд газрын дарга байх цагаасаа эхэлж хувийн мал аж ахуйн бизнесээ өргөжүүлж мөнгөтэй эрхмүүдийн тоонд бичигдэх болсон билээ. Тиймээс л хувийн бизнесээ улам ихээр өргөжүүлэхийн тулд ийнхүү матрын нулимс унагаж энд тэнд амьтан хүнтэй уулзсаны хүчинд Захирал гэх албан тушаалдаа төвөггүйхэн очиж шүүхийг ч өөрийнхөө талд ажилуулж чадсан сүйхээтэй нэгэн аж.
Гэтэл бодит байдал дээр Т.Батсүх өөрийн хүүдээ дээрх албаны машиныг дур мэдэн унуулсан төдийгүй түүний хүү Б.Батсайхан нь найзуудынхаа хамтаар албаны машинаар Өвөрхангай аймагт зугаалж буй бичлэгийг Zarig.mn сайтын сурвалжлах баг баримттайгаар олон нийтэд цацаж байсан юм. Ямартай ч тэрбээр ардаа томоохон татаастай нэгэн гэдгээ харуулж ийнхүү албан тушаалдаа эргэж томилогдлоо.
Тэгвэл хэдхэн хоногийн өмнө албаны машиныг хувьдаа ашигласан хэнбугай ч албан тушаалаасаа өчиггүйгээр чөлөөлөгдөнө гэж мэдэгдэж байсан ЗГХЭГ-ын дарга Л.Оюун-Эрдэнэ энэ нөхрийг ажилдаа эргэж томилогдсоныг мэдсэн болов уу гэж асуумаар байна. Эцэст нь Т.Батсүх захирал аа, та ичихгүй байна уу.
Бид дараагийн нийтлэлдээ түүний холбогдож байсан гэмт хэргүүд хэрхэн яаж шийдэгдсэн талаарх мэдээлэл болон бусад мэдээлэлүүдийг хүргэх болно.
Үргэлжлэл бий...
Доктор М.Найданхүү шүүхийн шийдвэр гарсан өдөр энэхүү ноцтой зүйлсийг өөрийн фэйбүүк хуудаснаа мэдээлэв.
Ажлаасаа халагдсаныхаа дараа матрын нулимс унагаж Архангай аймгийн Засаг даргад зодуулсан хэмээн сошиалаар мэдээлэл хийж байв.
Эх сурвалж: Erennews.mn
