Барилгын салбар “Нэгдсэн бүртгэл мэдээллийн сан”-г бүрдүүлэн программчиллаа. Тодруулж хэлбэл Барилгын хөгжлийн төв “Барилгын салбарын нэгдсэн бүртгэл мэдээллийн сан”-г бүрдүүлэн програмчлалын ажлыг хийж өнөөдөр буюу 2019 оны 11-р сарын 18-нд нээлтээ хийлээ. Энэхүү бүртгэл мэдээллийн сан ашиглалтад орсноор салбарын хууль эрх зүй, норм норматив баримт бичиг, тусгай зөвшөөрөлтэй үйл ажиллагаа явуулж байгаа аж ахуйн нэгж, ажиллах хүчин гээд бүхий л мэдээллийг бодит үнэн зөв төвлөрсөн мэдээллийг авах боломжтой болж  байгаа юм. Барилгын салбарын мэдээллийн өөрчлөлтийг дор бүр нь шинэчилж байх учраас энэхүү мэдээллийн санд төвлөрсөн мэдээллийг үнэн бодит гэж авч үзэх юм.

Мэдээллийн сан ашиглалтад орсноор үр дүнд салбарын мэдээллийг харилцан уялдаатай ашиглах,  Тусгай зөвшөөрлийг чирэгдэлгүй олгох, салбарын мэдээ, мэдээллийг нэгтгэх, 21 аймагт тусгай зөвшөөрөлтэй ААНБ-уудад үйлчилгээ үзүүлэх эрхийг цахимаар нээх, салбарын мэдээллийн түүх үүсгэх, тоон үзүүлэлт бүхий тайланг хялбар гаргах, Тоон үзүүлэлтэд тулгуурлан судалгаа гаргах, Мэдээллийг нээлттэй ашиглах боломжтой болж байгаа юм. Түүнчлэн барилгын материалын үйлдвэрлэл, эрдэс түүхий эдийн судалгаа гаргах, салбарт шаардлагатай мэргэшлийн зэрэгтэй, дээд боловсрол эзэмшсэн инженер техникийн ажилтны судалгаа гаргах, Барилгын норм, нормативын сангийн төвөлрүүлэлтийг хянах, Аймгуудын Газрын харилцаа, барилга, хот байгуулалтын газруудтай хамтран ажиллах үйл ажиллагааг хялбарчилж өгч байгаагаараа онцлогтой. 

Одоогийн байдлаар мэдээллийн санд

• Хууль, эрх зүй
• Норм, норматив
• Тусгай зөвшөөрөлтэй ААНБ-ын мэдээлэл /8900, давхардсан тоогоор/
• Инженер техникийн ажилтны мэдээлэл /15000/
• ААНБ-ын үйл ажиллагааны тайлан мэдээ
• Орон сууцны хөнгөлөлтэй зээлийн санхүүжилтийн журмын дагуу батлагдсан амины орон сууцны загвар зураг
• Ашиглалтанд орсон барилга байгууламжийн мэдээ
• Салбарын судалгаа
• ОСНАА мэдээлэл
• Барилгын материалын үнийн мэдээ
• Барилгын материалын үйлдвэрийн мэдээлэл
• Түгээмэл тархацтай орд газрын мэдээлэл
• Улсын төсвөөр хэрэгжиж буй барилга, байгууламжийн явцын мэдээлэл зэрэг нэгдсэн мэдээлэл бүрдэж байгаа юм.

Бүртгэл мэдээллийн сангийн нээлтэд Барилга хот байгуулалтын сайд Х.Баделхан, Барилгын хөгжлийн төвийн захирал Ц. Амарсанаа, БХТ-ийн Тэргүүн дэд захирал Б.Ганболд, БХТ-ийн дэд захирал бөгөөд Ерөнхий инженер Б.Энхболд БХБЯ-ны Төрийн захиргаа удирдлагын газрын дарга Д. Баярсайхан БХБЯ-ны БХБЯ-ны ББМҮ-ийн бодлогын хэрэгжилтийг зохицуулах газрын дарга Д.Гантулга, Инженер дэд бүтцийн бодлогын хэрэгжилтийг зохицуулах газрын дарга Л.Батжаргал, БХТ-ийн Хяналт шинжилгээ хуулийн албаны дарга Д.Алтангэрэл, Барилга барилгын материал үйлдвэрлэлийн хэлтсийн дарга Я.Мөнх-Эрдэнэ, Санхүү төсөл хөтөлбөрийн хэлтсийн дарга Г.Гантуул зэрэг бусад албаныхан оролцлоо