Зам, тээврийн хөгжлийн яамнаас Азийн хөгжлийн банкны санхүүжилтээр хэрэгжих төсөл, арга хэмжээний худалдан авах ажиллагааны журмыг танилцуулах, мэдээлэл, зөвлөмж өгөх зорилгоор Үндэсний авто замын гүйцэтгэгч компаниудад семинар зохион байгууллаа. “Азийн хөгжлийн банкны худалдан авах ажиллагааны талаарх танилцуулга, оролцогчдод өгөх зөвлөмж” сэдэвт семинарыг Corporate Convention Center-ийн Сөүл танхимд зохион байгуулагдсан бөгөөд авто замын гүйцэтгэгч компаниуд өргөнөөр оролцлоо.

Монгол Улсын Засгийн газар, Азийн хөгжлийн банк хооронд байгуулсан Санхүүжилтийн Ерөнхий хэлэлцээр, хэлэлцээрийг дагаж хийгдсэн зээлийн гэрээ, олон улсын гүйцэтгэгч, зөвлөхтэй байгуулсан гэрээ, Монгол Улсын холбогдох хууль тогтоомж, дагаж мөрдөх хуулиуд, Азийн хөгжлийн банкны зээлийн ашиглалт, худалдан авалт, зөвлөх үйлчилгээ, төслийг удирдах журмын дагуу хэрэгжүүлж, Засгийн газраас хүлээсэн үүргийн биелэлт, банкнаас тавьсан шаардлагыг цаг тухайд нь биелүүлэн ажиллаж байна.

Азийн хөгжлийн банкны санхүүжилтээр хэрэгжих төсөл, арга хэмжээний худалдан авах ажиллагаанд авто замын гүйцэтгэгч компаниуд идэвхитэй оролцсоноор өөрийн орны нутаг дэвсгэрээр олон улсын транзит тээврийг нэвтрүүлэх, улсын нийгэм, эдийн засаг, дотоодын авто тээврийг эрчимтэй хөгжүүлэх, улмаар хөрш орнуудын дамжин өнгөрөх ачаа, зорчигч тээвэрлэлтийг нэмэгдүүлж, дотоодын худалдаа, зах зээлийг хөгжүүлэн олон улс, бүсийн ач холбогдол бүхий нийгэм, эдийн засгийн үр ашигтай, Азийн авто замын стандартад нийцсэн, техникийн аюулгүй байдлыг хангасан авто замтай болох ажээ. “Азийн хөгжлийн банк"-ны суурин төлөөлөгч уг сенинарыг удирдан явуулсан бөгөөд зээлийн ашиглалт, худалдан авалт, зөвлөх үйлчилгээ, төслийг удирдах журмын талаар дэлгэрэнгүй танилцуулж, оролцогч нарт хойшид явуулах үйл ажиллагаандаа хэрэгжүүлж ашиглахыг зөвлөлөө.

Шуурхай.мн