Сүүлийн жилүүдэд манай дотоодын үйлдвэрлэл худалдаа эрхлэгч нарт гадны орныхон маркетинг худалдаа, үйлчилгээг яаж хийдэг, орон зайг яаж ашиглаж болохыг харуулж байна гэхэд нэг их дэгсдсэн болохгүй.
Хэдэн жилийн өмнө Солонгосын “Е март” худалдааны төв нээгдэж хүүхэд залус, хөгшин хөвөө гэхгүй бүгд л тийш ханарч байв.
Гэтэл сүүлийн нэг жилийн дотор “СU”, “Circle K мэт 24 цагийн дэлгүүрүүд нээгдэж хүүхэд залуусын үйлчлүүлэх дуртай газар болж.
Тэгвэл хүүхэд залуус яагаад энэ дэлгүүрүүдээр дотоодын сүлжээ дэлгүүрүүдээс илүүтэйгээр сонгож үйлчлүүлээд байна вэ гэх асуулт өрийн эрхгүй урган гарнаа даа. Автомашины зогсоолоо шийдсэн, бүх зүйл нь нэг дор, дулаахан, тохь тухтай худалдааны төв манайд хэд бий билээ. Мөн 24 цагаар үйлчилгээ үзүүлж, дэлгүүр дотроо тайван суугаад хооллож болох супермаркет манайд бий бил үү.
Үйлчлүүлэгч сэтгэл ханамжтай, тав тухтай байснаар эргэх холбоо үүсч хэрэглэгчээ татагдана гэдгийг манайхан тэр мэддэггүй гээд хэлчихэж ч бас болно.
Үндэсний үйлдвэрлэлээ дэмжихийг уриалдаг ч бараа бүтээгдэхүүний чанар нь хэр тааруу, үйлчилгээ нь гойд сайн биш байхад тэр газраар дахин дахин үйлчлүүлэхийг тэр бүр хүсэхгүй нь мэдээж.
Гэхдээ л “CU” хэмээх энэ дэлгүүрүүд дэндүү дархан эрхтэй байгаа юм. Өнгөрөгч 7 хоногийн байдлаар зөвхөн Улаанбаатарт гэхэд 55 дахь х салбараа нээсэн гэж байгаа.
Нэг салбарыг 200 орчим сая төгрөгөөр нээдэг,сарын дотор ашгаа олдог, өдөрт 5 сая төгөг өлхөн олчихдог гэх ”СU” үнэндээ Улаанбаатарыг эзэлчихлээ.
Ийн ашигтай байгаа хойно цаашлаад хөдөө орон нутаг, зам дагуу байраа эзлэх нь мэдээж.
Гэхдээ эдгээр түргэн шуурхай үйл ажиллагаанаас илүүтэй хүмүүсийн эрүүл мэндийн асуудалд анхаарах нь чухал.
Саяхан Мэргэжлийн хяналтын газраас хийсэн өнгөцхөн шалгалтаар “СU” бүдэрсэн.
Гэсэн хэдий ч өдрөөс өдөрт аль л өнгөтэй өөдтэй, том хороолол, хотхоны ойролцоо шил шилээ даран нээгдсээр “Моод монголоор дуусдаг” гэгчээр манайхан хушуурсаар л. Дэлхий нийтээрээ түргэн хоол, ундаанаас татгалзаж байгааг санахад илүүэдэхгүй шүү.
Эх сурвалж: Erennews.mn
