11.28 – 12.01-ний хооронд Олон улсын ой тогтоолтын холбооноос зохион байгуулж буй БНХАУ-ын Жухай хотод болох "Ой тогтоолтын дэлхийн аварга" шалгаруулах тэмцээн мөн 12.04 – 12.08-ны хооронд Дэлхийн ой тогтоолтын холбооноос зохион байгуулж буй БНХАУ-ын Үхань хотод болох 28 дах удаагийн “Ой тогтоолтын дэлхийн аварга” шалгаруулах тэмцээнд манай улсыг төлөөлөн Монголын Оюун Ухааны Академийн 10-20 насны 16 тамирчин багш, дасгалжуулагч нарын хамт оролцоно.
Тус тэмцээнд 20 орны 500 гаруй шилдэг тамирчид харааны болон сонсголын ой тогтоолтыг шалгасан 10 төрлөөр өрсөлдөж гурван насны ангилалд аваргуудаа тодруулах юм.
Багийн бүрэлдэхүүнд:
Дасгалжуулагч:
ОУ-ын шүүгч, дасгалжуулагч Б.Баасандорж,
ОУ-ын шүүгч, дасгалжуулагч Ө.Сэнгэсамдан
Тамирчид:
1.ОУ-ын Их Мастер Э.Пүрэвжав /2015 оны Өсвөрийн дэлхийн аварга/
2.ОУ-ын Их Мастер Н.Мөнхшүр /2017 оны Дэлхийн аварга, Гиннесийн рекорд эзэмшигч/
3.ОУ-ын Их Мастер Н.Энхшүр /Гиннесийн рекорд эзэмшигч/
4.ОУ-ын Их Мастер Э.Лхагвадулам /2017 оны Өсвөрийн дэлхийн аварга/
5.Их Мастер Б.Лхагвадорж /2019 оны насанд хүрэгчдийн азийн аварга/
6.ОУ-ын Мастер Г.Солонго
7.ОУ-ын Мастер Г.Мянганбаяр
8.ОУ-ын Мастер У.Солонго
9.ОУ-ын Мастер Т.Тэнүүн
10.ОУ-ын Мастер С.Марал
11.Азийн Мастер Б.Энхбаясгалан
12.Азийн Мастер Ш.Наранбат
13.Азийн Мастер Б.Жамбалбаярням
14.Азийн Мастер А.Должин
15.Г.Энхсаруул
16.Б.Эрмүүнболд
Бид ийнхүү 56 дах олон улсын тэмцээндээ амжилттай оролцох гэж байгаа бөгөөд манай үе үеийн баг тамирчид Америк, Англи, Герман, Турк, Хятад, Сингапур, Япон, Солонгос, Швед, Энэтхэг зэрэг олон оронд зохиогдсон цээж бодолт, хурдан уншлага, ой тогтоолтын 55 оюуны спортын тэмцээнээс нийт 1004 медаль хүртэж нас насны ангилалд дэлхийн олон дээд амжилтыг тогтмол шинэчлэн амжилтын буухиагаа үргэлжлүүлсээр байна.
Баг тамирчдадаа амжилт хүсье!
Монголын Оюун Ухааны Академийн захирал,
Олон улсын шүүгч Х.Хатанбаатар
