Дархан-Уул аймгийн Дархан сумын 15 дугаар баг, Их сургуулийн 4 дүгээр гудамжинд бага насны гурван охин хэрэглээний халуун усанд түлэгдэж нас барсан харамсалтай хэрэг энэ сарын 06-ны өдөр гарсан билээ. Тэгвэл талийгаач 3 охины аав, ээж болох Г.Чинбат, Алтанзул нар монголынхоо сайхан сэтгэлт хүмүүсийн илгээсэн хандивын мөнгөөр Улаанбаатар хотын ГСҮТ-н түлэнхийн төв, Сэлэнгэ, Орхон, Дархан-Уул аймгийн нэгдсэн эмнэлгийн хүүхдийн тасгуудад хүчилтөрөгч өтгөрүүлэгч аппарат, отсос буюу цэр соруулах аппарат, утлагын аппарат 3 ширхэгийг тус бүр бэлгэлжээ. Сайхан сэтгэл гаргаж, хэрэгтэй зүйлсийг нь бэлэглэсэнд Сэлэнгэ аймгийн Нэгдсэн эмнэлгийн хамт олон баярласнаа илэрхийлжээ.
Шуурхай.мн
