fbpx

Засгийн газар Ерөнхийлөгчийн хүсэлтийг хэлэлцэж байна


Засгийн газрын ээлжит хуралдаан үргэлжилж байна. Өнөөдрийн хуралдаанаар эдийн засгийг дэмжих чиглэлээр авах арга хэмжээний тухай хэлэлцэж байгаа бөгөөд Ерөнхийлөгчийн хүсэлт энэ асуудалд багтаж байгаа бололтой. 

Гамшгаас хамгаалах бүх нийтийн бэлэн байдлын зэрэгт шилжсэн үед банкны зээл, түрээсийг хойшлуулах, эдийн засгийн дэмжлэгийн асуудлыг Засгийн газрын хуралдаанаар хэлэлцэнэ гэдгийг Шадар сайд Я.Содбаатар мэдэгдэж байв. Түүнчлэн УОК-ын зүгээс шийдвэрлүүлэх хэд хэдэн санал оруулна гэж мэдэгдэж байсан.

Харин Ерөнхийлөгчийн зүгээс:

  • Өрх бүрд нэг сая төгрөгийн дэмжлэг үзүүлэх
  • Төсвийн зардлыг эрс хумьж, хэмнэсэн хөрөнгөөр бизнес эрхлэгч иргэн, аж ахуйн нэгжид хөнгөлөлттэй зээл олгох, банк, банк бус санхүүгийн байгууллага, барьцаалан зээлдүүлэх үйлчилгээний зээлийн хүү, төлбөрийн хугацааг зургаан сараас доошгүй хугацаагаар хойшлуулах;
  • Хөдөлмөр эрхлэгч иргэдээ хатуу хөл хорионы хугацаанд дэмжиж, төрийн албан хаагчаас бусад хөдөлмөр эрхлэгчдэд хөдөлмөрийн хөлсний доод хэмжээнээс багагүй хэмжээний тэтгэлгийг төрөөс олгох;
  • Жижиг, дунд бизнес эрхлэгчдийн аливаа хэлбэрийн түрээсийн төлбөрийг хөнгөлөхөд чиглэсэн цогц хөтөлбөрийг боловсруулж хэрэгжүүлэх;  
  • Нийгмийн даатгалын шимтгэл, хувь хүний болон аж ахуйн нэгжийн орлогын албан татварыг зургаан сараас доошгүй хугацаагаар хойшлуулах;
  • Ипотекийн зээлийг хүүгийн төлбөрөөс чөлөөлөх, төлбөрийн хугацааг 2021 оны нэгдүгээр сараас эхлэн зургаан сараас доошгүй хугацаагаар хойшлуулах зэрэг эдийн засгийн арга хэмжээг авч хэрэгжүүлэхийг санал болгоод байгаа юм.

Эх сурвалж: shuurhai.mn Б.ЗАЯА


Энэ мэдээ таалагдаж байвал: