ХЗДХ-ийн сайд Х.Нямбаатар ШШҮХ-нд ажиллаж, үүрэг чиглэл өглөө

УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, Хууль зүй, дотоод хэргийн дэд сайд С.Баатаржав, Санхүү, хөрөнгө оруулалтын газрын дарга Н.Цэвэлмаа, Бодлогын хэрэгжилтийг зохицуулах газрын дарга Э.Энхтуяа нар тус хүрээлэнд ажиллаж, нийт бие бүрэлдэхүүнтэй уулзлаа.

Тэрбээр уулзалтын үеэр хэлэхдээ Монгол Улсын Засгийн газрын бодлого, мөрийн хөтөлбөр, зорилтыг биелүүлэхэд албан хаагчдын үүрэг оролцоо чухал гэдгийг онцлоод цаашид салбарын хэмжээнд тулгамдаж буй асуудлуудыг бодлогын баримт бичигт тусгах, Шүүхийн шинжилгээний байгууллагын хууль эрх зүйн орчинг боловсронгуй болгох, өвөрмөц онцлогтой, ажлын илүү хүнд нөхцөлд үүрэг гүйцэтгэдэг Та бүгдийн нийгмийн баталгааг хангах, хүрээлэнгийн лабораториудын техник, тоног төхөөрөмж, материаллаг баазыг бэхжүүлэх, албан хаагчдыг мэргэшүүлэх, давтан сургах сургалтын асуудлыг шийдвэрлэх чиглэлээр анхаарч ажиллана гэдгээ илэрхийллээ.

Уулзалтын төгсгөлд албан хаагчдын санал, хүсэлтийг сонсож, нийт бие бүрэлдэхүүнд сахилга хариуцлагыг сайжруулахыг үүрэг болгож, ажлын амжилтыг хүслээ.