Украиныг богино хугацаанд сэргээн босгоход амалсан 17 тэрбум долларын төлөвлөгөөг хэрэгжүүлэх зориулалтаар Киев одоогоор "ганц ч цент" аваагүй байна гэж ерөнхийлөгч Владимир Зеленский Берлинд болсон олон улсын бага хурлын үеэр видео холбоосоор үг хэлэхдээ мэдэгдэв. Ройтерс агентлагийн мэдээлснээр, пуужингийн довтолгооны улмаас тус улсын эрчим хүчний салбарын гуравны нэгээс илүү хувь нь сүйрсэн гэдгийг тэрээр мөн тэмдэглэсэн байна.
"Орос биднийг өвлийг даван туулахад хэцүү болгохын тулд бүх зүйлийг устгаж байна" гэж Зеленский энэ үеэрээ онцлов.
Европын комиссын тэргүүн Урсула фон дер Лейен, Германы канцлер Олаф Шольц нар Украинд зориулж "Маршалын төлөвлөгөө" боловсруулах шаардлагатай гэж үзэж байгаагаа илэрхийлэв. Тэдний үзэж байгаагаар уг платформ нь Киевт улс орноо сэргээн босгоход туслах юм. Түүнчлэн Киевт үзүүлэх тусламжийг зохицуулах платформ байгуулах шаардлагатай гэж улстөрчид үзэж байна. Тэдний үзэж байгаагаар мөнгө "хамгийн их хэрэгцээтэй газартаа ирсэн" байх шаардлагатай гэжээ.
Эх сурвалж: Toim.mn