УИХ-ын гишүүн Х.Баделхан: Арван жилийн өмнө хэрвээ Оюутолгой, Тавантолгой хоёр орд ашиглалтад орох юм бол Монголын ард түмэн баяжна гэж байсан. Энэ хоёр орд асар их баялагтай. Монголын ард түмэн баяжна гэж байсан. 10 жил өнгөрлөө, хоёулаа ашиглалтад орлоо. Гэтэл ард иргэд ядуу хэвээр байна. Оюутолгой бол асар баялаг орд. Оюутолгойг дэлхийд бараг нэгд орно гэж ярьж байсан. Хүмүүсийн ярьснаар хөрсөн дор нь бараг Нью-Йоркийн хэмжээний том алт байгаа гэж ярьдаг. Энэ ч бас үнэн. Гэтэл өнөөдөр эндээс өгч байгаа өгөөж туйлын хангалтгүй байна. Үүнд л ард иргэд их гомдолтой байгаа. Тиймээс үүнийг авч хэлэлцээд гэрээгээ сайжруулах шаардлагатай. Эхний гэрээгээ хийсэн. Дараа нь Дубайн гэрээ хийсэн. Дубайн гэрээ бол олон хуулийг зөрчсөн, ашиггүй зүйл болсон гэдгийг хүмүүс хэлж байгаа.

Гаргасан бүтээгдэхүүн дээр нь бүрэн хяналт хийж чадаж байгаа юу. Хил дээр ганц хүн хянаад тамга дараад явуулдаг бол байдал хүнд шүү дээ. Яагаад өгч байгаа өгөөж нь дээшлэхгүй байна вэ. Оюутолгой бие даасан, тусгаар улс шиг л байгаа. Гүйлгээ нь манай Монголбанкаар дамждаггүй. Нэг удаа Монголбанкаар дамжуулна гэж шийдвэр гараад хэл ам болоод буцаж байсан. Монголын ард түмний өмч учраас Монголбанкаар дамжуулаад гүйлгээнд нь хяналт тавьж болохгүй юм уу. ТЭЗҮ нь бүрэн хийгдсэн үү гэсэн асуулт байна. Цаашид үүнийг сайжруулах ёстой гэсэн тогтоолын төслийг дэмжиж байна.