fbpx Дэлхий даяар илэрсэн халдварын тохиолдлын тоо 200 сая давлаа
 
Энэ мэдээ хуучирсан буюу 2021/08/05-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 31 секунд

Дэлхий даяар илэрсэн халдварын тохиолдлын тоо 200 сая давлаа

ВАШИНГТОН. /Axios/. Дэлхий даяар илэрсэн “COVID-19” халдварын тохиолдлын тоо 200 сая давсныг Жонс Хопкинсын нэрэмжит их сургуулийн мэдээлэл харууллаа.

"COVID-19"-өөр халдварласан тохиолдлын тоо ийнхүү өндөр үзүүлэлтэд хүрэхэд хурдан халдварладаг “Дельта” хувилбарын тархалт нөлөөлсөн бөгөөд өнгөрсөн долоо хоногт л гэхэд дөрвөн сая гаруй тохиолдол илэрсэн байна.

Тодруулбал, халдварын тохиолдлын тоо 100 саяд хүрэхэд нэг жил орчмын хугацаа зарцуулагдаж байсан бол ердөө зургаан сарын дотор ийнхүү хоёр дахин нэмэгдээд байна гэж “New York Times” сонинд мэдээллээ.

Мөн дэлхийн хэмжээнд долоо хоногт шинээр илэрч буй халдварын тохиолдлын тоо сүүлийн сар гаруйн турш нэмэгдэж, ялангуяа Газар дундын тэнгисийн зүүн бүс, Номхон далайн баруун бүсийн орнуудад ихээхэн өссөн байна.

Тухайлбал, өнгөрсөн долоо хоногт АНУ, Энэтхэг, Индонез, Бразил, Иранд өдөрт илэрсэн халдварын тохиолдлын тоо хамгийн өндөр үзүүлэлтэд хүрсэн гэж “CNN” телевиз мэдээлжээ.Жонс Хопкинсын нэрэмжит их сургуулийн мэдээллээр, лхагва гаргийн байдлаар коронавирусээр халдварласны улмаас нас барсан хүний тоо 4.25 сая давсан байна.

Э.Хулан

Эх сурвалж: "Монцамэ" агентлаг

Монголын баг тамирчдын эхний ээлж эх орондоо ирлээ
Монголын баг тамирчдын эхний ээлж эх орондоо ирлээ
 
Япон, БНСУ, АНУ аюулгүй байдлын хамтын ажиллагаагаа бэхжүүлнэ
Япон, БНСУ, АНУ аюулгүй байдлын хамтын ажиллагаагаа бэхжүүлнэ
Энэ мэдээ хуучирсан буюу 2021/08/05-нд нийтлэгдсэн мэдээ болно.

Шинэ мэдээ