fbpx “Монгол Улс “мода”-ноос гарах уу?
 
Энэ мэдээ хуучирсан буюу 2024/02/08-нд нийтлэгдсэн мэдээ болно.
Ангилал
Уул уурхай Манай 76 Редакцийн сонголт
Огноо
Унших
8 минут 58 секунд

“Монгол Улс “мода”-ноос гарах уу?

"Уул уурхайн салбар ба гадаадын шууд хөрөнгө оруулалт" хэлэлцүүлэг өчигдөр боллоо. Монгол Улс эдийн засгийн хүртээмжтэй бодлого баримтлан ажиллах шаардлага тулгарсныг эдийн засагчид онцолдог. Учир нь тогтвортой өсөлтийг хангахын тулд дундаж давхарга зонхилсон нийгмийг бүтээх урт хугацааны төлөвлөлт хэрэгтэй. Үүний тулд хөрөнгө оруулалтын таатай орчныг бүрдүүлэх, нэмүү өртөг шингэсэн, өрсөлдөх чадвартай бүтээгдэхүүн экспортлох, жижиг дунд үйлдвэрлэлийг хөгжүүлэхдээ дотоодын хэрэгцээг бүрэн хангахад чиглүүлэх зүй ёсны шаардлага бий. Мэдээж эдгээр нь төрийн бодлого, шийдвэр, Засгийн газрын хэрэгжүүлж буй ажлуудтай уялдаж хөгжих боломж бүрдэнэ.

“УЛСТӨРЧДИЙН ХИЙХ АЖИЛ БОЛОХ ЁСТОЙ”

Тэгвэл эдийн засгийг хөдөлгөгч уул уурхайн салбарт гадаадын хөрөнгө оруулалтыг татах ямар боломж байгаа вэ гэдэг асуулт гарч ирнэ. ШУТИС-ийн Геологи, уул уурхайн сургуулийн багш М.Дагва “Монгол Улсад гадаадын шууд хөрөнгө оруулалт орж ирэхэд дотоод болон гадаад хүчин зүйлс байна. Тодруулбал, хөрөнгө оруулалтын хууль эрх зүйн орчныг сайжруулахын зэрэгцээ хөрөнгө оруулагчдын урьж улстөрийн шийдвэртэй алхам хийж ажиллах шаардлага дотоод хүчин зүйл болж байна. Үүний тулд монголчууд уул уурхайн салбарын талаар нэгдсэн ойлголттой болох учиртай. Түүнчлэн үүнийгээ улс төрийн намуудын мөрийн хөтөлбөр болон Засгийн газрын мөрийн хөтөлбөрт тусган улстөрчдийн хийх ажил болох ёстой гэсэн байр суурьтай байгаа.

Мэдээж уул уурхайн салбарт дэлхий даяар 10-20 сая ам.доллар хөрөнгө оруулалт болж ордог. Үүнийг өөртөө татахын тулд олон улс орнууд өрсөлдөж байгаа. Манай улсын хувьд энэ хөрөнгө оруулалтын 1-2 хувийг татахаар өрсөлддөг 100 гаруй орны нэг. Тиймээс жилдээ 100-200 сая ам.долларын хөрөнгө оруулалтыг татахын тулд бусад улсуудын хэмжээний суурь дататай болох хэрэгтэй. Өөрөөр хэлбэл, хөрөнгө оруулалт татах хэмжээний мэдээллийг бүрдүүлэх геологи хайгуул, судалгааны ажлыг орхигдуулж болохгүй гэсэн үг” гэв. Үндсэндээ Монгол Улс ашигт малтмалын өндөр потенциалтай гэдгийг хөрөнгө оруулагчид баттай мэдсэн тохиолдолд мөнгөний урсгал орж ирэх боломж бүрдэнэ. Нөгөөтэйгүүр, манай улс ямар ч төрлийн ашигт малтмал олборлоход урд хөршийн нөлөөгөөр хөрөнгө оруулагчид айх айдасгүй орж ирдэг байсан талаар ШУТИС-ийн Геологи, уул уурхайн сургуулийн багш М.Дагва хэлж байсан юм. Харин өдгөө нөхцөл байдал өөрчлөгдсөн. Учир нь Хятад улс болон барууныхны стратегийн өрсөлдөөнөөс үүдэн шинээр үүсэх магадлалтай ашигт малтмалын төвүүд рүү урсгал чиглэх хандлага ажиглагдаж байгааг хэлэлцүүлгийн үеэр ярилцаж байлаа.

НИЙГМИЙН ХУВААГДАЛ УУ, ЭВ НЭГДЭЛ ҮҮ?

Энэ үеэр гадаадын хөрөнгө оруулалт Монгол Улсад хэрэгтэй юу гэдгийг ч мөн нарийн ярилцах шаардлага үүссэнийг СЭЗИС-ийн удирдах зөвлөлийн дарга, доктор Р.Амаржаргал оролцогчдоос асууж байсан. Гадаадын хөрөнгө оруулалтын тухай ярихаар талцаж хуваагдан хэт улстөржүүлэх тийшээ хандах нь нийгмийн хуваагдлыг үүсгэж байгаа талаар тэрбээр онцолж байлаа. Монголчууд цөөхүүлээ учраас эв нэгдлийг эрхэмлэх нь нийгэм, эдийн засагт илүү өгөөжийг бий болгоно гэдгийг ч мөн тэрбээр хэлж байв.

Гадаадын хөрөнгө оруулалт уул уурхайн салбарт чухал гэдгийг цаг хугацаа харуулж байгаа. Энэ нь Монгол Улсын эдийн засагт чухал үүрэг гүйцэтгэснийг хэн ч үгүйсгэхгүй байх. Нөгөөтэйгүүр нийгмийг талцуулж байна гэх юм. Гэтэл энэ салбар хэл ам дагуулсаар байгаа ч нийгмийн асуудлыг шийдвэрлэсээр ирсэн. Тэгэхээр улс төрийн хиймэл талцал нийгэмд зөрчил үүсгэж байна шүү дээ. Үнэн хэрэгтээ манай улсын эдийн засаг чадавхитай байхын тулд гадаадын шууд хөрөнгө оруулалтыг татах шаардлага бий. Энэ нь эрүүл мэнд, боловсролын салбарт хөрөнгө оруулалт болж орж ирдэг гэдэгтэй хэн ч маргахгүй байх. Тиймээс уул уурхайн салбарт гадаадын шууд хөрөнгө оруулалт орж ирснээр эдийн засгийн өсөлтийг хэрхэн тэлж хүмүүсийн амьдралд ямар нөлөө үзүүлж байсныг 10 жилийн өмнөх эдийн засгийн тэлэлт харуулсан хэмээн Монголын уул уурхайн үндэсний ассоциацийн ерөнхийлөгч асан Н.Алгаа хэлсэн юм.

Өөрөөр хэлбэл, хуваагдаж талцаад юунд ч хүрэхгүй, харин эв нэгдэл, нэгдсэн ойлголт уул уурхайн салбараар дамжиж орж ирэх гадаадын шууд хөрөнгө оруулалтыг нэмэгдүүлэх боломж. Тиймээс салбарын талаарх нэгдсэн ойлголтыг бүх түвшинд түгээх хэрэгтэй. Үүний тулд нотолгоотой сайн судалгаа, нэгдмэл үзэл баримтлал чухал аж.

НИЙТ ХӨРӨНГӨ ОРУУЛАЛТЫН 76.7 ХУВЬ УУЛ УУРХАЙН САЛБАРТ ОРЖЭЭ

Монгол Улсын хүн ам 3.5 саяд хүрч, нэг хүнд ногдох ДНБ 8.5 сая төгрөгт хүрсэн гэдэг ч хүний хөгжлийн индекс 0.74 гарч дэлхийн 191 орноос 96 дугаарт жагсаж байгаа нь бүс нутгийн орнуудаас доогуур байдалтай байгааг илтгэж байна. Тэгэхээр нийгэм, эдийн засгийн хөгжлийг зорилтот түвшинд хүргэх гол хөдөлгөгч хүч болсон уул уурхайн салбар. Уул уурхайгаас төсвийн орлогын 29 хувь, нийт экспортын орлогын 85 хувийг бүрдүүлдэг. Өнгөрсөн оны байдлаар Монгол Улсад нийт 18.7 тэрбум ам.долларын гадаадын шууд хөрөнгө оруулалт орж ирсэний 1.43 тэрбум ам.доллар нь уул уурхай, олборлох салбарт орж иржээ. Өөрөөр хэлбэл, нийт хөрөнгө оруулалтын 76.7 хувь нь манай улсын эдийн засгийн тулгуур болсон уул уурхайн салбарт орсон байгаа юм.

Энэ удаагийн хэлэлцүүлэг эдийн засагт жин дарах нөлөө үзүүлдэг салбарт гадаадын шууд хөрөнгө оруулалтыг хэрхэн татах вэ гэдэг асуудалд төвлөрсөн. Талууд хөрөнгө оруулалт шаардлагатай ч хууль эрх зүйн орчин, төрийн тогтвортой бодлого, залгамж халааг бэхжүүлэх зэрэг асуудлыг хөндөж ярилцлаа.

Нийгэмд уул уурхайн салбарын талаарх ойлголт харилцан адилгүй байгаа нь эдийн засаг, нийгэмд үзүүлэх нөлөөллийн талаар нэгдмэл үзэл баримтлал, ойлголт, түүнийг нотлох судалгаа байхгүйг харуулж байгаа талаар хөндсөн. Гэхдээ үүнийг шийдвэрлэх боломжгүй асуудал биш гэдгийг оролцогчид хэлж байна. Хамгийн гол нь төр засгийн бодлогын хүрээнд төдийгүй орон нутаг, төрийн бус байгууллага гээд хамааралтай бүхий л хүмүүс нэгдмэл ойлголцолд хүрэх шаардлага үүссэн гэдэгтэй хэлэлцүүлэгт оролцогчид санал нэгдэж байсан юм.

Дэлхий даяар уул уурхайн салбарт эргэлдэх хөрөнгө оруулалтын ганцхан хувийг авахын тулд 100 гаруй оронтой өрсөлдөж байгаа Монгол Улс “мода”-наас гарах нь цаг хугацааны л асуудал бололтой. Тэгэхээр Хятад улсад ойрхон байх нь манай улсын давуу тал биш болно. Тиймээс нөхцөл байдалтай уялдсан тодорхой хариултыг олон улсад өгсний дараа хөрөнгө оруулалт орж ирэх нөхцөл бүрдэх нь ээ. Нөгөөтэйгүүр манай улс олборлосон ашигт малтмалаа Хятад болон бусад улс орнууд руу нийлүүлэх боломжтой гэдэг улс төр, геополитикийн шийдэлтэй байх нь зүйтэй гэдгийг ч мөн онцолж байлаа. Уул уурхайн асар их нөөцтэй, газар доорх баялаг минь бүх ард түмнийх гэсээр алтан дээр сандайлсан гуйлгачин болоод үлдчих вий.

Доржийн ОЮУНЧИМЭГ

Эх сурвалж: “Зууны мэдээ” сонин

Түгжрэлд туйлдсан иргэд тэгш, сондгойг сонгох уу
Түгжрэлд туйлдсан иргэд тэгш, сондгойг сонгох уу
 
Билл Гейтс хөрөнгөнийхөө ихэнхийг буяны үйлст хандивлана
Билл Гейтс хөрөнгөнийхөө ихэнхийг буяны үйлст хандивлана
Энэ мэдээ хуучирсан буюу 2024/02/08-нд нийтлэгдсэн мэдээ болно.

Шинэ мэдээ

Билл Гейтс хөрөнгөнийхөө ихэнхийг буяны үйлст хандивлана

Билл Гейтс хөрөнгөнийхөө ихэнхийг буяны үйлст хандивлана

Голомт банк “Mongolia Investment Forum New York 2025” чуулгын ерөнхий ивээн тэтгэгчээр ажиллаж байна

Голомт банк “Mongolia Investment Forum New York 2025” чуулгын ерөнхий ивээн тэтгэгчээр ажиллаж байна

Х.Тэмүүжиний “transformation” У.Хүрэлсүх, Д.Амарбаясгалан, Л.Оюун-Эрдэнэ гурваас эхлэх нь…

Х.Тэмүүжиний “transformation” У.Хүрэлсүх, Д.Амарбаясгалан, Л.Оюун-Эрдэнэ гурваас эхлэх нь…

Ромын Папаар Америк хүн сонгогдсонд Трамп баяртай байна

Ромын Папаар Америк хүн сонгогдсонд Трамп баяртай байна

Монгол Улсын Ерөнхийлөгч У.Хүрэлсүх ОХУ-д суралцаж буй сонсогчидтой уулзав

Монгол Улсын Ерөнхийлөгч У.Хүрэлсүх ОХУ-д суралцаж буй сонсогчидтой уулзав

Д.Баярхүү: Монгол-Зөвлөлтийн найрамдал & “Орос цэрэг“

Д.Баярхүү: Монгол-Зөвлөлтийн найрамдал & “Орос цэрэг“

Apple-ийн Эдди Кью: Одоогоос 10 жилийн дараа iPhone үгүй болно

Apple-ийн Эдди Кью: Одоогоос 10 жилийн дараа iPhone үгүй болно

Украины дайн ба Дэлхийн шинэ дэг журмын төлөөх тэмцэл

Украины дайн ба Дэлхийн шинэ дэг журмын төлөөх тэмцэл

“Сэлбэ дэд төв” төслийг Тагнуулынхан анхаарах хэрэгтэй юу?!

“Сэлбэ дэд төв” төслийг Тагнуулынхан анхаарах хэрэгтэй юу?!

Т.Бадрал “Эрдэнэт үйлдвэр“-ийн захирлаар томилогдох нь

Т.Бадрал “Эрдэнэт үйлдвэр“-ийн захирлаар томилогдох нь

Л.Мөнхбаясгалан: Монголчуудын 30 жил хүсч хүлээсэн усны мега төсөл хөдөллөө

Л.Мөнхбаясгалан: Монголчуудын 30 жил хүсч хүлээсэн усны мега төсөл хөдөллөө

АНУ тэргүүтэй холбоотны тусламжаар Зөвлөлт Улс дайнд ялсан...

АНУ тэргүүтэй холбоотны тусламжаар Зөвлөлт Улс дайнд ялсан...

Э.Цэндбаатар 13 дахь тулаанаа АНУ-д хийнэ

Э.Цэндбаатар 13 дахь тулаанаа АНУ-д хийнэ

Тавантолгойн ордыг яагаад “…Стратегийнх” болгосон бэ?

Тавантолгойн ордыг яагаад “…Стратегийнх” болгосон бэ?

МУГЖ Д.ГАНЦЭЦЭГИЙН БҮТЭЭСЭН “АМЬДРАХУЙ”-Н ЖЯ ЖЭН, “1984” ЖҮЖГИЙН ЖУЛИЯ

МУГЖ Д.ГАНЦЭЦЭГИЙН БҮТЭЭСЭН “АМЬДРАХУЙ”-Н ЖЯ ЖЭН, “1984” ЖҮЖГИЙН ЖУЛИЯ

Голомт банкны шинэ салбар “Улаанбаатар Драгон Терминал”-д нээгдлээ

Голомт банкны шинэ салбар “Улаанбаатар Драгон Терминал”-д нээгдлээ

MRI аппаратаа эвдэж, зөвлөх эмч нараа хөөж явуулсан ЭХЭМҮТ-ийн даргын үүрэг гүйцэтгэгч Ж.Отгонбаатарын тухай ноцтой баримтууд

MRI аппаратаа эвдэж, зөвлөх эмч нараа хөөж явуулсан ЭХЭМҮТ-ийн даргын үүрэг гүйцэтгэгч Ж.Отгонбаатарын тухай ноцтой баримтууд

Монголд сургууль хүрэлцээгүй, Солонгост сургуулиуд хүүхэдгүй болж хаагдаж байна

Монголд сургууль хүрэлцээгүй, Солонгост сургуулиуд хүүхэдгүй болж хаагдаж байна

Хүүхдүүдийн дэлгэцийн хэрэглээний цагийг хязгаарлах аппликейшн гаргажээ

Хүүхдүүдийн дэлгэцийн хэрэглээний цагийг хязгаарлах аппликейшн гаргажээ

ВИДЕО: Э.Болормаагийн Гадаадын хөрөнгө оруулалттай компаниас хандив авч, УИХ-ын гишүүн болсон гэх хэрэгт харьяалал тогтоолгохоор хэргийг прокурорт шилжүүлжээ

ВИДЕО: Э.Болормаагийн Гадаадын хөрөнгө оруулалттай компаниас хандив авч, УИХ-ын гишүүн болсон гэх хэрэгт харьяалал тогтоолгохоор хэргийг прокурорт шилжүүлжээ

Нээлттэй ажлын байрны мэдээллийг Голомт банкны салбаруудаас авах боломжтой боллоо

Нээлттэй ажлын байрны мэдээллийг Голомт банкны салбаруудаас авах боломжтой боллоо

Өөрийн хүсэлтээр нутаг буцах хөтөлбөрийг АНУ-д хэрэгжүүлж эхэлжээ

Өөрийн хүсэлтээр нутаг буцах хөтөлбөрийг АНУ-д хэрэгжүүлж эхэлжээ

Украины дайнаас үүдсэн ОХУ-ын эдийн засгийн өөрчлөлт ба сорилтууд

Украины дайнаас үүдсэн ОХУ-ын эдийн засгийн өөрчлөлт ба сорилтууд

ДУНДГОВЬ АЙМГИЙН ЗАСАГ ДАРГА С.МӨНХЧУЛУУН ДҮҮ С.БЯМБАЦОГТ, ЖҮЖИГЧИН ЭХНЭР Т.АРИУНБУЛАГ НАРЫНХАА “ВИ АЙ ПИ ЭС” ХХК-ААР ТЕНДЕР ТҮҮДЭГ

ДУНДГОВЬ АЙМГИЙН ЗАСАГ ДАРГА С.МӨНХЧУЛУУН ДҮҮ С.БЯМБАЦОГТ, ЖҮЖИГЧИН ЭХНЭР Т.АРИУНБУЛАГ НАРЫНХАА “ВИ АЙ ПИ ЭС” ХХК-ААР ТЕНДЕР ТҮҮДЭГ

10 тэрбум хүртэлх төсөвт өртөгтэй тендерт оролцоход баталгаа шаардахгүй

10 тэрбум хүртэлх төсөвт өртөгтэй тендерт оролцоход баталгаа шаардахгүй

Ерөнхийлөгчид дэвших таван мандатыг 22 горилогчийн хэн хэн нь авах вэ?

Ерөнхийлөгчид дэвших таван мандатыг 22 горилогчийн хэн хэн нь авах вэ?

УИХ-ын гишүүн Ж.Золжаргал: Уран олборлож, экспортлохыг би дэмждэг

УИХ-ын гишүүн Ж.Золжаргал: Уран олборлож, экспортлохыг би дэмждэг

АМХЭГ-ын анхны дарга Д.Жаргалсайхан Тавантолгойн ордыг анх ингэж “тараажээ”

АМХЭГ-ын анхны дарга Д.Жаргалсайхан Тавантолгойн ордыг анх ингэж “тараажээ”

Тавантолгойд дахиад нүүрсний хулгай нүүрлэв үү?!

Тавантолгойд дахиад нүүрсний хулгай нүүрлэв үү?!

Популизм, клиентализм хоёр сүлбэлдэн Баялгийн санг “барьж” байна

Популизм, клиентализм хоёр сүлбэлдэн Баялгийн санг “барьж” байна

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​