УИХ-ын гишүүний халдашгүй байдлын дэд хороо өнгөрөгч долоо хоногт хуралдаж, Н.Номтойбаярыг УИХ-ын гишүүнээс түдгэлзүүлэх нь зүйтэй хэмээн үзсэн. Харин МАН-ын бүлгийн хуралдаанаар хэлэлцсэн боловч, шийдэлд хүрч чадаагүй юм.
Тэгвэл өнөөдөр Хууль зүйн байнгын хороо УИХ-ын гишүүн Н.Номтойбаярыг түдгэлзүүлэх эсэх асуудлыг хэлэлцэж байна. Эх сурвалжийн мэдээллээр Ш.Раднаасэд Ц.Мөнх-Оргил, Н.Оюундарь, Д.Бямбацогт, Д.Мурат, нарын таван гишүүн Н.Номтойбаярыг түдгэлзүүлэхийн эсрэг хатуу байр суурьтай байгаа гэнэ.
Ямар шалтгаанаар тэд Н.Номтойбаярыг цээжээрээ хамгаалж байна вэ, тэдэнд юу нөлөөлөв гэдэг нь ихээхэн сонирхол татаж байгаа юм. Улстөрийн ёс зүй, зарчим гэхээсээ илүүтэй томоохон эрх ашиг тэднийг нэгдсэн байр сууринд хүргэсэн гэх бор шувуу ордноор нисч байна.
